[د.كمال]

عملت يوم السبت الماضى صيانه ال10 الاف لسيارتى الجاك فى مركز الخدمه الرئيسى فى 6اكتوبر شارع القريه الذكيه والصيانه تكلفت 410 جنيه
235 زيت عشر الاف 25 فلتر زيت 25 سبراى صدأ أو مياه رادياتير 85 مصنعيه 40 ضريبه مبيعات وتم غسيل العربيه وغسيل الماتور والحوض والصيانه خدت وقت ساعه ونصف .

أنا كنت بأعمل الصيانه فى مركز الخدمه كوين سرفيس وكان قريب جدا بالنسبالى حوالى ربع ساعه من الكليه الحربيه وكانت الخدمه هناك ممتازه صراحه وكنت بشوف الصيانه وانا جالس فى الاستراحه وكان ممكن التواصل مع فنى الصيانه لكن فى المركز الرئيسى ممنوع التحدث مع الفنيين وتم الغاء التعاقد مع مركز الخدمه كوين سرفيس بسبب شكوى مالكى السيارات الجيلى بأنه يبيع قطع الغيار لهم بأضعاف تمنها فى التوكيل .
تحدثت مع مسؤل مخزن المبيعات وقال إن كل قطع الغيار للسياره الجاك موجوده ومفيش حاجه عندنا إسمها مش موجوده (ردا على سؤال استفزازى منى ) .
وسألته عن الاسعار وهى تقريبا نفس الاسعار المثبته فى قسم الجاك يضاف اليها ضريبه مبيعات .
وكان هناك 4 سيارات جاك حضرت لتعمل صيانه بعدى وسألت مالكيها عن اى مشاكل وكلهم نفوا وجود أى مشاكل فى السياره وهم حضروا لعمل الصيانه الدوريه فقط ومنهم سياره أجره الاسماعليه .
تحياتى لكم