المشاركة الأصلية كتبت بواسطة aly zafer
بخلاف درجة الرطوبة القاتلة 
الحل:
1- سرعة نزول رجال الشرطة الضباط وليس امناء الشرطة لمنع وقوف الميكروباصات لتحميل الركاب بعد النفق.
2-منع التوك توك من شارع الملاحة
3-ازالة التعديات اللى فى قبلى السكة حديد
4-نزول شرطة الازالة بسرعة
5- نزول شرطة المرافق
6-الاهم من وجهى نظرى فتح اليوتيرن اللى امام نقطة شرطة المنتزة لتمكين البعض من الدوران قبل مكان الازمة (على فكرة هو بيفتح فقط للشرطة علشان تلف منه وتكبر دماغها)
7-تطبيق مفهوم سيولة المرور وليس مفهوم الجباية(الكلبش)
واخيرا انا شايف ان مصر لسة بدرى عليها قوى اللهم بلغت اللهم فأشهد 
مشاكل زحام اخرى على سبيل المثال وليس الحصر
- الكورنيش من شارع45 حتى نهاية شارع محمد نجيب وانت نازل
- من رشدى على البحر حتى نهاية سان ستيفانو وانت راجع
- الدخول والخروج من منطقة سموحة
- شارع المشير من اولة وحتى الوصول لسيدى جابر يعتبر معانة كبيرة
- من المنشية على البحر حتى المكتبة قد تأخذ فيها نصف ساعة
- شارع ابو قير الشهير من اولة لاخرة يعتبر اصعب من سباقات الرالى
- كوبرى محرم بك وشارع قناة السويس حدث ولا حرج
ارجو ان يكون محافظ الاسكندرية مهندس طرق لحل ازمتها المستعصية صيفا وشتاءا  |
أنا معاك تماما إن الوضع حاليا بقى لا يطاق، لإن فيه ناس كتير بتستهبل وبتعتبر إن وجود القواعد والقوانين تقييد للحرية... والحرية من وجهة نظرهم إنه يعمل كل اللي في نفسه و مالوش دعوة بالناس اللي حواليه
محدش حاطط في دماغه إنه "كما تدين تدان"، وبالتالي شوارعنا بقت مثال الفوضى... وده كمان بيديك مؤشر على مستوى التحضر بتاع الشعب المصري
من ناحية الحلول الهندسية فأنا شايف إن حل اسكندرية في التخطيط طويل المدى.. مش في الحلول المؤقتة...
مشكلة اسكندرية إنها شريط ساحلي، والشوارع الرئيسية موازية للبحر، ولو فكرنا في المناطق اللي بيحصل فيها الزحام حتلاقي إنها كلها بسبب إننا مضطرين نمشي في الشوارع دي عشان مفيش شوارع تانية نمشي فيها.. يعني لو لقينا مهرب تاني يوصلنا.. حنروح فيه
مثلا:
الزحمة مابين استانلي وسان ستيفانو: لو فيه شارع رئيسي عمودي على البحر في المنطقة دي حتلاقى نسبة كبيرة من الزحمة ما بقتش موجودة
قيس على كده كل منطقة زحمة في اسكندرية... مفيش في اسكندرية محاور عمودية تجيبك من البحر لحد خارج اسكندرية غير شارعين بس: شارع قناة السويس، وشارع 45.... عندك شوارع تانية؟؟؟
محتاجين محاور عمودية زي دي كتير، مش أقل من 5 محاور كمان... ساعتها الزحمة حتقل لإن فيه عربيات كتير مش حتبقى مضطرة تمشي على شارع أبوقير أو الكورنيش أو حتى طريق المطار كل المسافة دي
طبعا الكلام ده مع رفع كفاءة الطرق الطولية زي ما بيحاولوا يعملوا ترعة المحمودية دلوقتي
...