[حسام البورسعيدى]

المشاركة الأصلية كتبت بواسطة doctormae2002 السلام عليكم استلمت العربة النهارده ورحت علقت النمر خلاص في المرور بعد يوه حااااااار ومجهد جدا وبعد الملاحظات التي لاحظتها فيها النهاردة مع خبرتي الرهيبة في السواقة التي لا تتعدي عشره خمستاشر مره وجد الاتي صوت المتور عالي جدا من بره هزة و رعشة مستفزه في دواسة البنزين نور الصالون مابيطفيش لما اقفل الابواب وعلامه ان فية باب مفتوح موجودة علي طول لما افتح الباب بالريموت مفروض العربية تعمل فلاشر وطبعا مبتعملش عندي والمعرض قللي لازم اروح التوكيل يظبطلي الموضوع دة وهذه اخر المستجدات ادعولي

الف الف مبروك عليك اللوجان يا باشا ..

ومتقلقش خالص خالص ..

ملاحظاتك كلها ملاحظات طبيعية باذن الله ...

بالنسبة لصوت الموتور العالى .. طبيـعــــــــــى ..

مع التليين الكويس هيروح خالص .. وهيفضل يتلاشى الصوت المزعج لغاية ما توصل 10 الاف بالسلامة باذن الله .. هيختفى صوت الموتور المزعج تماما باذن الله ...

بالنسبة للتلين .. زى ما بنقول دايما لكل واحد اشترى عربية زيرو ..

على مهلك خالص فى اول 1000 بالذات .. ويا ريت بلاش تكييف ..

ويا سلام لو قبل ما تبدأ تمشى بالعربية تبقى تلينها وهى واقفة لمده يومين ولا حاجة .. يعنى تدورها ساعتين وتريحها نصف ساعة مثلا (بس لازم تأمن عليها كويس ومتسبهاش دايرة بعيد عن عيبنك احسن تتسرق لا قدر الله) ....


اما بالنسبة لموضوع نور الصالون اللى شغال على طول ولمبه الابواب اللى منوره والفلاشر اللى مش بيشتغل مع قفلة الريموت .. كل دول مشكلة واحده ..

اكيد عندك باب مش مقفول كويس او الشنطة مش مقفولة ..

فخلى بالك كويس من الابواب .. انا عارف ان العربية جديدة وانت بتحسس عليها اكيد وخايف ترزع الابواب جامد ههههههه

على فكره الفلاشر بيشتغل بس لما الابواب كلها بما فيها الشنطة تكون مقفولة تمام كميزة امان يعنى .. اما لو باب مفتوح مش هيشتغل ..


واخيرا ربنا يباركلك فى اللوجان وتكون فاتحة خير عليك .. الف مبروك يا غالى ...

واى استفسار تحت امرك فى اى وقت ....