المشاركة الأصلية كتبت بواسطة شريف حجازي
ومين الي قال ان الاوفر درايف بيشغل النقلة الرابعة الاوفر درايف بيجيب نقلة عكسي يعني تسقيط غيار لما تكون مجمع والعربية جابت اخر السرعة ومش عايزة تزود السرعة تشغل الاوفر درايف ينقل لسرعة اعلي  |
يا عزيزي ما هو اللي حضرتك بتقوله ده ترجمة لكلامي
لما العربية تكون جايبة آخر السرعة (قصدك إنها جايبة آخر الـRPM)، لما تشغل الأوفردرايف بتنقل على التعشيقة اللي بعدها (اللي هي الرابع) عشان تزود سرعة العربية
كل العربيات الياباني اللي فيها أوفردرايف بتعمل نفس الحاجة
اسأل واتأكد
على فكرة .. العربيات اللي مافيهاش أوفردرايف ... عادة بيبقى فيها نقلة اسمها (D3) بتشغل لحد التالت بس، ونقلة تانية اسمها (D4) بتشغل لحد الرابع
ولو عايز تسقط نقلة... ابقى اعمل Kick Down ... يعني دوس البنزين على الآخر... حتلاقي العربية سقطت نقلة والعربية صوتها بقى عالي (الـRPM زاد قوي) والعربية طلعت تجري
وبعدين ياباشا انت راكب تويوتا كريسيدا (زيي سابقا).. يعني لو هي أوتوماتك يبقى أكيد فيها أوفردرايف
...