[essamenen]

هحكيلكم موقف حصلى عندنا فى بنها اسوء شيء سيارات السوزوكى الاجره شويه عيال وبلطجيه ومتشردين كنت ماشى ودخل على سواق سوزوكى فحك الرفرف من الشمال قدام من الاكصدام بتاعه الخسائر عندى بسيطه مجرد رد الصاج (سمكره بسيطه ودهان الرفرف ) وهو محصلوش حاجه لانه داخل عليه بالاكصدام بتاعه نزل السواق ودخل على وعاوز يكلنى بالكلام ويقلى يعنى اطلعلك على الرصيف انتى ما بتشوفشى انتى ما بتفهمشى والكلام ده كان معاه راجل وست معرفته المهم فلتله متغلطشى كان فى عسكرى مرور على بعد 200 متر فقلت لاصحابى كان معايا 3 هتولى العسكرى كان الموضوع ده قبل الثوره من سنه تقريبا فلما سمع العسكرى عسكرى مين يا ابن كذا وكذا انا هطلع كذا سمعت الكلام ده والشتيمه فقلت مهما حصل وجه العسكرى مش هاخد حقى فركبت العربيه لمسافه متر ورحت داخل فى نص عربيته من ناحيه الباب الجرار وكده كانت تلفياته اكبر بكتير منى فلما شاف الموضوع ده فاخذ سواق العربيه وركنها بعيد ونزلولى وعاوزين يتخانقو معايا واتصلو بناس اصحابهم وقلى انا هتبلى عليك واخذ يضرب راسه فى البربريز الامامى علشان يتكسر وهو يتعور ويقول انى خبطه المهم الازاز متكسرشى وهو متعوشى ومنابوش فير خبط دماغه جه العسكرى وقلى فى ايه فلتله العربيه الى قدام خبططنى فى الرفرف فقلى بقلك ايه خد عربيتك وامشى هم عيال بلطجيه ومش هيجيلك الا وجع الدماغ وانا شاهد معاك لو حصل حاجه المهم ركبت انا واصحابى العربيه ومشيت تكلفه تصليح العربيه 150 جنيه سمكره ورش بس عنده اكبر بكتير والموضوع عدى على خير
فى مصر لما اثنين بيعملو حادثه لو كان سواق بينزل ويحاول يقنعك بانك اى غلطان ولو هو الى غلطان ( قله ادب )
اهم حاجه فعلا ضبط النفس وعدم الانفعال ولو تعرف تقف بعيد عن العربيه مفيش مشكله تجنبا للمشاكل
انا مع اخذ العوض وهو مش حرام ولكن العفو عند المقدره