المشاركة الأصلية كتبت بواسطة matmm
مهو المساعد الناشف غالى وانا بصراحة 19 سنة يعنى مش بشتغل فا بحاول اشغل عقلى عشان اريح جيبى انا حتى مش بخلى ميكانيكى يشتغل فيها خالص غير فى الشديد القوى لاكن اى حاجة عندى العددة وانا الى بشتغل
ومش فاهم حوار سوستتين فوق بعض اية الفكرة فى كدة هتعمل اية كدة يعنى
|
المساعد الناشف مش غالي ولا حاجة ... بس الموضوع عايز شوية لف عشان تلاقي حاجة توفقها على عربيتك
بص.. أنا كان عندي عربية كريسيدا 82... وحصل إني اضطريت أركب مساعدين خلفي مش بتوع العربية... بس طلعوا ناشفين جدا... غالبا كانوا بتوع عربية نص نقل دبابة... ونتيجة الكلام ده كالتالي:
1- ثبات عالي جدا في الملفات
2- عفشة قاسية جدا.. أنا كان ضهري بيوجهني وانا سايق
3- في بعض المطبات مع السرعة المتوسطة (50-60 كم/س) العجل ما بيتحركش في المطبات والعربية بتبقى شبه طايرة
4- العربية بتبقى مريحة (نسبيا) لما بتبقى كاملة العدد في الكنبة اللي ورا
5- بدأت أشك إن العربية فيها شروخ أنا مش شايفها
أنا كنت عايز عربية مريحة شوية... ولما مساعد منهم اتكسر (ماهو مش راضي ينعم) حمدت ربنا وزكبت المساعدين الأصلي بتوعها، بس حسيت بفرق الثبات
أنا رأيي من رأي الأستاذ esamenen
قبل ما تعمل حاجة... فكر في العواقب بتاعتها
على فكرة... في عربيات السباق والرالي... دايما العربية بيتعاد على كل اللحامات اللي فيها، عشان ماتفكش من بعضها بسبب العفشة الناشفة (مساعدين أو سوست)
أما بالنسبة للسست اللي فوق بعضها... بيبقى فيه واحدة ضعيفة تاكل المطبات والتانية ناشفة تسند العربية.... بس الحاجات دي عايزة حسابات جامدة شوية
...