[koashraf]

طبعا هما بيستغلوا-طمع الزبون فى الجائزه والهدايا المجانيه -بالاضافه الى الاسلوب الشيك والزوق المصطنع واتعرضوا لى عده مرات مع محاولة احراجى فى وجود المدام طبعا بس على مين....
وطريقة التعامل معاهم لازم تكون ناشفه ورد قاطع ...مش عايز هدايا....
حيقولك طب اعرف هى ايه الاول....
مش عايز أعرف وماعنديش وقت اضيعه معاك بالاضافه الى زغره اذا لزم الامر...

طيب دى بدون التزام من حضرتك...
لغاية هنا وتبتدى تعلى حسك ويحس انك حتعمله فضيحه حيبعد عنك...

فى الواقع همابيبقوا مدربين ومؤهلين لأى موقف ..ولجميع انواع الزبائن المحتملين وللعلم الزبون اللى بغلبهم الذى لايبدى سبب لرفض عرضهم لانهم بيدربوهم يردوا على كل الاعذار المختلفه يعنى ماتقولهمش لأ ليه ...

مش عايز وخلاص والسبب مايخصكش (ترد عليهم كده بدون أى احراج من ناحيتك)

وحط فى اعتبارك ان هو أوهى اللى وقفك وانت ماشى فى حالك يبقى يستحمل اللى يجراله.

لكنى فى بعض الحالات تعاطفت مع بعض الشباب وقبلت دعوتهم لانى عارف ان فرص العمل صعبه وفيه ناس بتستغل حاجتهم للعمل وهما بيعملوا بالقطعه يعنى بعدد الزبائن لكنى كنت اعرف جيداً الى اى مدى سأستمر واين بالضبط سأوقف اللعبه وايضا كيف انسحب بدون خسائر ولا أنصح حد يعمل كده ولا على سبيل الاستطلاع لانك قد تتورط فى مبالغ اكبر من العشرين جنيه تضيع عليك فى النهايه بدون مقابل...