الموضوع
:
هتافات التحرير
عرض مشاركة واحدة
#
21
09-07-2011, 06:08 PM
walidelwahsh
Guest
المشاركات: n/a
رد: هتافات التحرير
المشاركة الأصلية كتبت بواسطة mar mar
الهتافات تعم المظاهرات :
...
" يسقط يسقط حكم العسكر "
" انا مش حاسس بالتغيير ... يسقط يسقط المشير"
...
" خد حق الشهدا بايدك .. القضاء مش هيفيدك "
" اشهد اشهد يا زمان .. لن يحكمنا رئيس أركان "
" يا طنطاوي قالك إيه .... قبل ما يمشي سعادة البيه "
" قالك إدبح في الثوار ... قالك إرفع في الأسعار "
الشعب يريد اسقاط المشير
يا مشير قول الحق انتى عميل ولا لاء
شالوا حسني وحطوا حسين .. جاتكم نيلة انتو الاتني
كارت احمر لعصام شرف واخر للمجلس العسكرى
* والهـتاف في الآربعـين :
" ... التحـرير فـين ... السوايـسة هـــم "
عمر طاهر | فى الميدان : يا جماعة التطهير المطلوب مش محتاج مطهر ولكنه يحتاج مزيل الاوساخ التى لاتراها العين ... والحل فى الديتول
رصد | مصر |محمد مرسى رئيس حزب الحرية والعدالة : نريد برلمانا ودستورا ورئيسا وحكومة من أجل ضمان استقرار مصر
رصد | مصر | عصام العريان:التحرير اليوم أثبت أن المصريين لايزالون يطمحون للتغيير الحقيقي
المشاركة الأصلية كتبت بواسطة mmffor
يه الكلام الكبير قوي ده
واحد + واحد يساوي اتنين
المجلس العسكري قياداته فاسدة و تابعة للنظام القديم
قالوا احنا معاكوا رحنا صدقناهم
قالوا احنا مع رغبة الشعب و بنؤيد الثورة شيلناهم فوق دماغنا
عموا ايه؟
قالوا ان الشهداء بلطجية
قالوا ان ضباط الشرطة ابطال و خصوصا اللي قتلوا المتظاهرين
عينوا اعضاء الحزب الوطني محافظين ووزراء
رفضوا التعديلات الوزارية التي تقدم بهها عصام شرف 3 مرات
حاكموا المعتصمين و المتظاهرين عسكريا و حاكموا البلطجية و القتلة و الفاسدين مدنيا
5 شهور اللي حصل فيها: 1- تأجيل محاكمة الضباط المتهمين بقتل المتظاهرين 5 مرات و في الاخر اطلاق سراحهم - براءة 90% من وزراء و اعضاء النظام السابق - محاكمة الرئيس في المشمش و باقى هدفنا الاطمئنان على صحة سيادته و حالته النفسية و معنوياته اللي متأثرة - الاعتداء على اسر الشهداء و تهديدهم - عدم صرف اي تعوسضات لاسر الشهداء او حتى علاج المصابين على نفقة الدولة ( لانهم بلطجية يا اما بتوع بانجو و دعارة ) - استمرار ضخ الغاز لاسرائيل - عدم استقرار الحالة الامنية حتى الان - حملة ترقيات موسعة لكبار مساعدين حبيبي العادلي - عدم حل امن الدولة و الاكتفاء بتغيير اسمه الى الامن الوطني و ترقيات ضباطه قادة التعذيب في مصر
حد يقوللي المجلس الغبرة عمل ايه ثوري او لمصلحة البلد من ساعة ما قال نحن معكم؟
احنا مش عايزين نلغي الجيش - و مش حقول كمان نلغي المجلس لانهم قادة الجيش و لو راحوا الجيش حيروح - مع ان بصراحة لو راحوا حييجي عشرة احسن منهم ميت مرة بس ما علينا - خليهم موجودين بس هما في حالهم و احنا في حالنا - خلوا وزارة عصام شرف تشتغل و يبطلوا يكسروا مجاديفها و يوقفوا عجلة الانتاج و يتحشروا في ام كل حاجة
المشاركة الأصلية كتبت بواسطة mmffor
دا كفاية انهم مخليين مشعل وزير الانتاج الحربي و كلنا ( اللي في حلوان و المعادي ) عارفين مين مشعل - افسد شخص في جنوب القاهرة كلها -
شخصية لم يشهدها التاريخ - راح طنطاوي خلاه وزير و اصر انه يفضل مع ان مشعل ده رمز الفساد و التزوير و استغلال السلطات - يعني احمد عز جنبه تلميذ في الحضانة
و اللا يحيى الجمل اللي عينه مبارك!! طنطاوي مصر انه يفضل مع ان الناس كلها اجمعت على بغضه و كرهه
نفس سياسة العند الطفولي الديكتاتوري التي كان يسير عليها مبارك - ما زال طنطاوي يسير على نهجها - يشوف الشعب عايز مين يقوم يقيله و يشوف الشعب مش عايز مين يقوم يخليه اهو عند و رخامة و خلاص
المشاركة الأصلية كتبت بواسطة mar mar
انا قولت ولسه بقول ان المشير مش الجيش واحنا وثقين في الجيش بتاعنا احنا طلبتنا واضحه ومعروفه
محاكمه عادله وعلنيه
مجلس رئاسي مدني يتكون من اتنين مدنينين وواحد عسكري اعتبرها عايزين نخفف علي المجلس العسكري ونشيل عنه شويا
نبطل نخوف الشعب باننا ليبا او سوريا
طيب لبيا وسوريا الجيش بتاعهم من المرتزقه واحنا جشنا منا تفتكر في جندي واحد ممكن يضرب نار علي اهلوا وولاد عموا وناسوا
مستحيل حتي لو المجلس العسكري امره بكده هو مش هيعمل كده ابدا لاني اللي اعرفوا ان اي جندي في الجيش لما بيدخل الجيش بيكون هو رئيس نفسه يعني ايوه يتبع التعلمات بس اللي يشوفها تناسب الموقف ولو معلوماتي غلط ياريت حد يصحلها
الهتافات انتم مضايقين منها اوي في حين انها معبره عن اللي في الشعب احنا مش ضدد الجيش ولكن ضدد المشير اللي بيتستر لسه علي مبارك واعوانه
يعني ايه رايكم في المسلسله دي
مبارك عنده القلب
مبارك عنده السكر
اوبا مبارك عندوا السرطان
اوبا مبارك لا يمكن يدخل السخن علشان يا عيني تعبان
تفتكروا لو مبارك ده واحد من الشعب عادي
وسارق 70 مليار جنيه مصري
وعندوا امراض الدنيا كلها هيسبواه براه ولا مبارك علي راسه ريشه
اشمعنا بيطبق المحكمات العسكريه علي ناس مدنيين والناس العسكريه لا
هي المحكمات العسكريه بقيت للمدنيين وانا مش عارفه
ومش مبارك عسكري برضوا وصاحب الضربه الاولي وبلا بلا بلا بلا
ردوا عليا انا واحده من الثوار دول حولوا تقنعوني ان المجلس العسكري بيطبق مطالبي ومطالب الناس اللي في التحرير
لو المجلس العسكري فاهم اننا هننسي حقنا في الحريه وحقنا في حكمتهم احنا فكرين
ومش هنسي اننا اضربنا برصاص حي ومات مننا اكتر من 500 واحد شهيد
ولو المجلس العسكري فاكر اننا هنرضي بالفرافيت اللي بتريمهلنا ماما سوزي يبقي غلطان للمره التانيه
والنائب العام هي القضايه ديت جديده عليه يعني اول مره يشوفها ولا قدامه من ايام مبارك
عايزه افهم ايه اللي هيخليه دلوقتي يرجع الحق لاصحابوا ماكان قداموا قبل الثوره
يومين ونسمع سوزي اتنزلت عن 24 مليون من اصل كام مليار في الخارج
ويومين ونسمع زكريا عزمي خرج بكفاله وبعدين يرجعوا السجن علشان الشارع اتقلب عليهم اللهماالشعب والثوار
مش فاهمه بيجسوا نبضنا ولا ايه
هو في ايه
انا حسه انهم بعملونا زي العيال بيقولك بص انت نجحت وهما ضحكين عليك علشان مصالحهم
يا ايها المجلس العسكري لقد نفذ رصيدك ويا اما تتحرك بما يرضي الله وتخاف علي البلد دي وتراعغي القسم اللي انت حلفتوا قبل ما تتدخل خدمه في الجيش
يا اما تعترف انك متكتف ومتلجم ومش عارف تتصرف او بترسم لينا خريطه احنا مش عارفنها
بس احب اقولك يا مجلس يا عسكري احنا مش هنسكت ومش هنجيب ديكتاتور تاني ولو فيها رقابنا
وعمر مصر ما هتكون ليبيا ولا سوريا
المشاركة الأصلية كتبت بواسطة mar mar
انت عارف ان تشبيهك الموقف بالموقف ده يدين المجلس العسكري مش يقف في صفوا
ابي سفيان وعلي بن ابي طالب رضي الله عنه
كانت خلافتهم علي الخلافه
مش علي قتلت عثمان
يعني علي بن ابي طالب اقنعوا انه احق بالخلافه بعد عثمان بن عفان
وعلشان معاويه عايز يحكم فستغل مشاعر الجماهير واتحجج انه عايز يثار لعثمان بن عفان
ولان عثمان بن عفان تم التمثيل بجثتمانه الطاهر ولان الثوار رفضوا دفنه مع اصحابه
الناس مشاعرها ملتهبه
فمعاويه يمثل كل من كل شويا يقولك دم الشهداء علشان يحقق مصالحوا
ومش اظن ان نص مليون او اكتر اللي هما في التحرير ليهم مصالح علشان يطالبوا بحق الشهيد
واكيد مش كلهم بيتبع ناس تانيه ومش بيشغلوا عقلهم يعني مش لعبه في ايد اللي ليهم اطماع
وصدقني انا من الناس اللي لا ليهم مصالحه من وراء المظاهرات ولا بتبع حد يقولي انزلي فاروح نزله لاني عندي عقل يفكر زي زي اي واحد حر وعنده دم ثوري نزل التحرير
اما بقي ان شبهت علي بن ابي طالب انه زي المجلس العسكري لان المجلس العسكري بيطالب بهدوء الاحوال الاول وبعدين القصاص
وعلي بن ابي طالب رضي الله عنه كان عايز الخلافه
اذن المجلس العسكري يطمع في رئاسه البلد وده اللي انت قولتوا مش انا
اما بقي لو عايزين حال البلد ده يستقر يبقي محامه وقصاص لكل من قتل الثوار وسرق شعب البلاد دي
يارب اكون عرفت اوضح وجهه نظري
:fun_ 36_1_30[1]:
: 36_2_16: