[essamenen]

المشاركة الأصلية كتبت بواسطة borio1704 اتفق معاك في النقطتين 1 ، 2 انما باقي النقاط أنا مش معاك فيها بصراحة وخلينا نمسك نقطة نقطة النقطة 3 تغير سرعة الضاغط أكيد هتغير قوة التبريد، والدليل من كلام حضرتك نفسه اللي كاتبه في النقطة 2.... "لما نمشى بالعربيه وسرعه محرك السياره بيوصل الى 4000 rpm يكون ضغط السحب (المبخر ) وصل الى 10 او 5 psi طبعا هيعمل ثلج على المبخر" بس المشكلة اللي بتنكلم عليها هي الحصول على درجة حرارة شبه ثابتة داخل المبخر عن طريق ضبط الضغط جواه وبالنسبة للكريسيدا... أنا مصدقك إن الكريسيدا 84 ممكن مايكونش فيها نفس الصمام لإن معدل التطوير في الموديلات الياباني في الفترة دي كان عالي جدا، بحيث إنك ممكن تلاقي تعديلات ميكانيكية كتير قوي في نفس الموديل على حسب السوق، وانا لاحظت الكلام ده لما كنت بروح أشتري قطع غيار للعربية على فكرة عربيتي كانت مواصفات خليجي من الكويت، وكان فيها المنظم اللي بقول لحضرتك عليه وأنا فكيته من جوه وانا اللي مركبه بإيدي وواخد بالي أنه واخد وصلة من المبخر ووصلة من الاكبانشن وبيودي على الضاغط النقطة 4 درجة حرارة التبخير مرتبطة بالضغط بشكل مباشر ولكنها تختلف باختلاف نوع الفريون والدليل في هذا الرابط http://www.e38.org/pparish/pt-table.htm إذا لو الضغط انخفض درجة الحرارة حتنخفض مباشرة النقطة 5 لاحظ إن الصمام اللي بتكلم عليه مش صمام التمدد صمام التمدد مكانه دايما قبل المبخر الصمام اللي بتكلم عليه (خلينا نسميه المنظم) مكانه دايما بعد المبخر النقطة 6 أنا دورت شوية في النت وقدرت أوصل للمعلومات دي أنظمة التكييف في السيارات واحدة من 3 1- نظام صمام التمدد + مستقبل/مجفف (Receiver/Dryer + Expansion Valve) وده أبسط نظام، وبيعتمد إنه يفصل الضاغط لما درجة الحرارة توصل للمطلوب، ولكنه غير كفء في درجات الحرارة العالية جدا 2- نظام المجمع - أنبوبة الفوهه (Accumulator - Orifice Tube) وهنا المجمع هو اللي بيعوض فرق الضغط داخل دايرة التبريد والمبخر، وهو ده النظام المستعمل حاليا في السيارات الجديدة 3- نظام صمام خنق الشفط (Suction Throttling Valve) وهنا المنظم هو اللي بيضبط الضغط داخل دايرة التبريد والمبخر، والمنظم ده فيه منه نوعين: Suction Throttling Valve - STV Pilot Operated Tube - POA والنظام ده أكثرهم تعقيدا وأكثرهم استهلاك للوقود، لإنه بيخلي الضاغط شغال علطول من غير ما يفصل بسبب الوصول لدرجة الحرارة المطلوبة، ولكنه الأكثر كفاءة في درجات الحرارة العالية جدا وحضرتك ممكن ترجع للروابط دي لمعلومات أكتر http://www.e38.org/pparish/ac_works.htm http://www.aircondition.com/dsmobileac/expvalve.html http://www.cardictionary.com/definit...ing-valve.html http://what-when-how.com/automobile/...ol-automobile/ http://www.brighthub.com/engineering...les/58365.aspx

السلام عليكم
بالنسبه للنقطه 3
ااحنا متفقين عند زياده سرعه الضاغط هتزيد كفائه التبريد ممكن يعمل ثلج بس انا نوهت لاسباب عمل الثلج وهو ضعف او قله الهواء المار من خلال المكثف وتلك مشكله تحدث نتيجه عطل معين فى الدائره وعند حلها لا يحدث ثلج بدليل تكييف السياره يعمل بشكله الطبيعى عندما تكون زيرو بنفس مكونات الدائره الاساسيه

النقطه 4
نوع الفريون ثابت وهو 12 او 134
وعند زياده الضغط نتيجه زياده سرعه المحرك درجه الحراره هتقل ( نفس الكلام فى الخطوه السابقه )

النقطه 5
الصمام الى حضرتك بتتكلم عنه مش موجود فى اى دائره من الدوائر السابقه ولو موجود يا ريت حضرتك تقلى مكانه فين بعد المبخر

النقطه 6
بالنسبه للانواع االثلاثه الى حضرتك ذكرتعا سوف اعلق عبيهما بالترتيب

1- نظام صمام التمدد + مستقبل/مجفف (Receiver/Dryer + Expansion Valve
هو دائر تبريد بسيطه وتسستخدم صمام تمدد حرارى اى يتحكم فى اتساع الصمام عن طريق انبوبه ( زى الى موجوده فى الترموستات الى فى الثبلجه المنزليه) لا يوجد فى ذلك النظام الصمام الى يتركب فى نهايه المبخر والى حضرتك بتتكلم عليه

2- نظام المجمع - أنبوبة الفوهه (Accumulator - Orifice Tube)
هذا االصمام يكون من جزئين متصلين مع بعضهما طرف يوضع قبل المبخر ويعمل على خنق سائل التبريد لاحداث عمليه التبخير للفريون وجزء بعد المبخر لاخذ بواقى سائل الفريون الذى لم يتبخر واعادته لبدايه المبخر لاعاده تبخيره ويفتح صمام التمدد قليلاليقلل الضغط لكى يتبخر كل الفريون المار ( عند وجود ثلج فى المبخر معناه انه يوجد كميه زائده من الفريون لم يتبخر ) يجد ان يكون مركب التبريد الداخل الى الضاغط عباره عن بخار او بخار محمص وعند دخول الضاغط سائل الفريونيعمل على تلف الصمامات التى داخل الضاغط زى ما تجيب نقطه ماء وتحطها على زجاج ساخن

3- نظام صمام خنق الشفط (Suction Throttling Valve)
وهو صمام التمدد اللذى يعتمد على فياس ظغط المبخر وفتح وغلق صمام التمدد وبذلك يعطينا التبريد المطلوب

ذلك هو شرح جميع النواع السابقه
يوجد تتطوير فى كل جزء من اجزاء دائره التبريد والى حضرتك بتتكلم عنه ده تطوير فى صمامات التمدد فقط لاغير
تلك الصمامات ليست رخيصه وصيانتها مكلفه تستخدم فى الدوائر التجاريه الكبيره والتى تريد ان تصل الى اعلا كفائه من التبريد لان الفقض فى التبريد معناه فقض فى النقود
لكن مع المستخدم العادى يتم تصميم ونصنيع لدوائر بحيث لا تكون مكلفه الا اذا احتجنا الى رفع كفائه التبريد ممكن ان تكون تلك التكنولوجيا فى السيارات الغالبه لانها تستخدم اخر التكنولوجيات فى كل اجزاء الدائره
الشركات تحسبها اقتصاديا استخدام تلك التقنيات يرفع من ثمن السياره مع العلم انه لن يشعر به المستخدم فتلك الحاله سوا بالتثير والتغيير البسيط (ليه تدفع اكثر مع انك ممكن تدفع اقل )

كنت عاوز اضيف معلومه او كررها
تكون الثلج هو نتيجه وجود فى عيب فى الدائره وليس حله باختيار نوع مطور من صمامات التمدد انما بحل المشكله نفسها
تقبل تحياتى
وان مستعد للنقاش فى اى نقطه مره اخرى