مايلى قائمة بالمنسقين للمؤتمر
م. نبيل عبد الرحمن
أ. احمد بدر
أ. بدر بسيونى
أ. سيف الدين
أ. حازم شاهين
أ. حازم خضر
م. أحمد أحمد البدوى
أ. وائل مجدى
أ. احمد على
طبعا انا لازم اخد حقي في التعب ده ناشف يعني مش هقبل اقل من تورتة الفورسيزون لامؤخذه يا ابو نورا ده انا اتحولت من كتر الخرايط ده انا حاسس اني بقية جغرافي ناقص اقولكم الارصاد الجوية كمان
علي العموم علشان مكونش بس قصرت الجو حر فحت كله يجي فاتح التكييف علي الرابع انا مش مسئول
بالنسبة للصور اتفضلو بالترتيب والشرح كمان علشان ابقي كدا اخليت مسئوليتي
نبتدي بالصورة الاولي
طبعا هنبتدي بوحوش اسكندرية الصحراوي وزي مانتوا عارفين ان بعد البوابات بتقابلو المحور وبعد ما تعدي المحور من فوقيك تاخد اول يمين يطلعك المحور هتطلعوه عادي جدا
اهم حاجه بدر بسيوني ياريت يوطي وهو بيعدي من تحت الكوبري علشان بس دماغه متغبطش في الشاسيه بتاع الكوبري
الصورة رقم 2
بعد ما نخلص طريق المحور هتلاقوا الدائري قاطع المحور من فوق كما موضح بالصوره وهناخد بعد ما المحور يعدي من فوق دماغنا اول يمين ونطلع الدائري وهنمشي قد مسافة 35 كيلو علشان بس متزهقوش كل واحد يجيب معاه قرطاس لب ابيض
بدر بسيوني يجيب معاه خروب علشان هو ده اللي هيسد معاه ههههه
صورة رقم 3
بعد ما تطلعوا الدائري وتمشوا حوالي 6 كيلو هيعدي من تحتكم النيل كما موضح في الصورة ديه منطقة الوراق ونكمل عادي جدا علي الدائري انا بسليكم علشان متزهقوش
صورة رقم 4
بعد طبعا ما نعدي منطقة الوراق بحوالي 5 كيلو هيقابلنا طريق مصر اسكندرية الزراعي من تحت الدائري
نكمل عادي جدا طوالي ولا يمين ولا شمال
طبعا اللي جي زراعي اول ما يشوف الدائري يعدي من تحتيه وياخد اول يمين يطلعوا الكوبري ويكمل مع اللي جي من اسكندرية الصحراوي اوعا حد من بتوع الزراعي يلطش مع اللي جي من الصحراوي انتو احرار هجيبلكم امين شرطة من بتاع قبل 25 يناير مبيتفاهمش
صورة رقم 5
بعد اسكندرية الزراعي بحوالي 7 كيلو هيقبلكم منطقة اسمها مسطرد علي الدائري وبيعدي من تحتكم ترعة الاسماعلية طبعا ديه معلومات عامه بس انتو كملوا زي مانتم علي الدائري لسه بدري
صورة رقم 6
بعد مسطرد بحوالي 4 كيلو هتقابلكم منطقة المرج وتحتكم مترو الانفاق كما موضح بالصورة
طبعا زي ما احنا مكملين علي الدائري اوعوا تكونوا زهقتوا
صورة رقم 7
بعد منطقة المرج بحوالي 10 كيلو هتقابلكم منطقة السلام وهتلاقوا اول نفق علي الدائري اوعي حد ينزله هتخدو اول يمين قبل النفق وهتطلعوا منه علي طريق جسر السويس كما موضح بالصورة
صورة رقم 8
ده اول كوبري هيقابلكم علي طريق جسر السويس محدش يطلعه هتكملوا من تحته لان الكوبري ده للي رايح المطار
هتكملو طوالي ولا يمين ولا شمال
عمتا طريق جسر السويس كله علي بعضه ميعملش حوالي 10 كيلو علشان بس تطمنوا
صورة رقم 9
طبعا ده اول مزلاقان قطر هيقابلكم هتعدوا من فوقيه وتكملوا طوالي
صورة رقم 10
ده تاني مزلاقان هيقابلكم وديه منطقة اسمها الجراج سيبكم من الاسم خليكم زي مانتوا طوالي ها زهقتوا ولا لسه
خلاص هانت
صورة رقم 11
طبعا ده تاني كوبري هيقابلنا هنطلعه ده اسمه كوبري التجنيد
حضروا نفسكم بقا للمفاجأة
الصورة رقم 12 والاخيرة
حمد لله علي السلامه يا رجالة انتوا كدا وصلتوا بالسلامه لان نازلة الكوبري علي شمالك هتلاقي سنترال مصر الجديدة
طبعا اكيد كلكم زهقتوا مني علي العموم انا نصيبي محفوظ لو اتخرت يا ريت تشيلوا نايبي علي جنب لحسن سومو مبيرحمش هيفترس البوفيه كله
الفيديو من اول كبري التجنيدالي المكتبه وعذرا علي الخطا اللي في الفيديوا عن اسم الكبري