المشاركة الأصلية كتبت بواسطة ايمن عبدالحميد
لا اختلف مع من شكروها لأنى بدأت بأنها ناعمة ولذيذة ، وبعدين بدأت اقوللك عيوبها ، وبعدين اللى ايدة فى المية مش زى اللى ايدة فى النار ، شوف يا باش انا مازلت عند رأى عملية اعادة البيع بسبب اى ظرف طارىء سواء للتحديث او لأى سبب صعبة جدا جدا وهتضحى بنص تمنها لأن ليها ناس معينة بتتبسط منها زى المرسيدس القديم والبيجو ال 504 عربيات زى الفل ولا كلمة فى حقها لكن علشان تجددها تصرف عليها تمنها مرتين وتيجى تبيعها تخسر من اصل تمنها اللى اشتريت بية
لو بتسألنى على عربية فى نفس الحدود لكن تزيد حوالى خمس الاف جنية على الاقل يبقى هيونداى اكسيل من 95 وحتى 97 علشان كورى اصلى ومكيفة وناعمة ولذيذة بس من اهم عيوبها عدم ثباتها على السرعات العالية
يبقة نبتدى بالوسطية مش لازم فى البداية تكييف ولو ضرورى هاتلك لادا مصرى مكيفة وفيها بور موديل 2003 او 4 مش هتزيد عن 25000ج وعربية اعتمادية وحمالة اسية وبياعة تبيعها فى لحظة وقطع غيارها مرمية فى الشوارع واى بلية يصلحها والرأى الأخير لحضرتك
|
متشكر جدا يا أستاذ ايمن انا بسعى والله لس المشكلة انى انا ميح فى موضوع العربيات دة ومكلم ناس زميلى كتير على انى محتاج عربية كويسة تستحمل الشكل العام كويس قطع غيرها معقولة بس مش عايز اركب 28 فمنهم الى رشحلى ريجاتا و131 و فيات اونو مازدا 323 بما يعنى او بما يساوى من 20000 الى 25000 الهو المبلغ الى هقدر ادفعة فممكن تشوف احسن حاجة فى العربيات دى وادينى رايك وانشا الله الى ربنا مقدره كلة خير..
