[مهند سالم]

المشاركة الأصلية كتبت بواسطة د.هبه77 ان كان من الموت بد فمن العار ان تموت جبانا بص يا استاذ مهند بما ان انت اتكلمت بجد وبدون هزار لازم بقي رد جد فعلا الاسلام حل كل دة ان كره منها خلقا رضي منها اخر ومعروف ان الرجال اعقل من النساء(ود حقيقة) يبقي ميمسكش علي الواحدة اولا وقبل كل شئ المراة كائن مختلف عن الرجل وكذلك هو كائن اخر كل واحد بيطالب التاني يكون زية!!! هو دة اساس المشكلة كل واحد اناني وبيطالب التاني ان يولع صوابعة العشرة شمع ويا ريت عاجب(الجملة الشهيرة) طب ولية بقي المبدا الهجومي بتوع الحموات دة لية انا دايما مستني التاني هيديني اية ولازم يقف علي طراطيف صوابعة عشاني كل واحد لازم يحط نفسة مكان الطرف الاخر كل واحد مكلف بمهام لكن لا الرجل يستهين بمهام المراة ولا العكس انا عارفة ان الرجال بيواجهو مصاعب كتير جدا ف العمل والبحث عن لقمة العيش ولكن المراة بيمر عليها فترة الحمل 9 شهور في هذه الفترة حضرتك عارف بيبقي تفكيرها ازاي؟ حاجه واحدة بس انها ممكن تموت اثناء الولادة ممكن الرجل يتخيل انه ممكن يموت كمان 9 شهور ويبدا العد التنازلي يوم بيوم ويمكن ساعة بساعة فترة عصيبة جدا واستهلاك للاعصاب والمخ بطريقة جامدة ممكن الرجل بقي مبيبقاش حاسس بالموضوع دة يبقي لازم بعد الفترة دي بما انها عانت انها تستريح لكن الزوج اصلا مش حاسس انها تعبت من النقطة دي لانه محسهاش بنفسة وبالتالي ما هي كل الناس كدة اشمعني انتي مشكلته انه محطش نفسة مكانها الراجل بيرجع البيت يلاقي اكل واولاد واكلين وشاربين وراحو المدرسة ورجعو ومذاكرة وكله شغال خلي واحدة ست كدة متعملش حاجه في يوم والراجل يرجع البيت هيلاقي ايه!!!! كل دة وكمان في الاخر للاسف مفيش كلمة شكر لان يمكن الرجل بيبقي مش متحدث وكلامة كويس بالعكس دايما يحبو يناقرو ويتصيدو الاخطاء تحت هذا الضغط من النقد تعتقد هي هتعمل اية ثانيا المراة تحركها العاطفة بمعني هي اصلا بطبعها تحب الزينة بدليل قولة تعالي (اومن ينشأ في الحلية وهو في الخصام غير مبين) ولكنها عاطفية بمعني الزوج ييجي من برة تعمل سفرة عظيمة في الاخر وبطرف عينة الزيت في الرز زيادة اوي لية كدة يعن هي واقفة في المطبخ 3 ساعات وبتوضب البيت ومكلتش عشان مستنية متاكلش الا معاه وفي الاخر هو دة الشكر التشجيع علي فكرة لة دور ايجابي جدا جدا جدا في حياة المراة والنقد هدام وبالتالي نفسيتها تتاثر جدا بهذا الكلام وعادة الزوج بينكد عليها عشان متطلبش شئ لا خروج ولا فلوس تعتقد بعد دة كلة ممكن تقوم تهتم بنفسها عشان برضة يسمعها كلمتين حلوين تاني متحاوليش امنينا الغولة هو لو كان مرة لقاها عاملة حاجه بسيطة جدا واثني عليها اكيد كان ترك انطباع عندها رائع واكيد هتحاول تكررة وتبقي احسن ومنكرش ان في ستات تخصص نكد من الدرجة الاولي والمرتبة العالمية وجايزة نوبل في النكد يبقي الحل اية الحل ان كل واحد يحط نفسة مطرح التاني ويحاول مع نفسة ومع الاخر بمعني يحط نفسة مكان الطرف التاني ويلتمس له الاعذار اذا كان الرسول صلي الله عليه وسلم قال التمس لاخيك ولو سبعين عذرا فما بالك بقي بالزوج او الزوجة مش يضع الاخطاء تحت الميكروسكوب الحاجة التانية برضة مش عارف يتوصل لحل في دروس اسمها تنمية بشرية كويسة جدا للزوجين معقولة يعني اروح اقول انا عندي مشكلة زوجية مشكلة المكابرة دي وعدم الاعتراف بوجود مشكلة دة بعد جديد برضة واية يعني لو في مشكلة مش عيب المستقبل والاولاد ونفسيتهم متستاهلش المحاولات دي والاهم بقي ان كل واحد عندة عربية اول ما تبتدي بس لونها يبهت يبقي عايز يغيرها اشمعني العربية بتروح تعملها بولش وبتحاول تصلحها وتخليها بتلمع كمان الزوجة او الزوج لازم لو في حاجه غلط يحاول يصلح مش يستبدل!!! وبالراحة زي ما المروض يروض الاسد بالتشجيع مش بالهد وبعدين ما هي البنت التانية دي لو اتجوزها برضة هتبقي زوجة وهتتحول والله ويمين اتحاسب علية انا مش ضد نوع لا بالعكس اه والله مش ضد النوع بجد بالعكس انا بشفق فعلا علي المراة العاملة وكمان انا عارفة ان ربنا خلق الرجل اقل مشاعر من المراة ليكون اكثر عقلا وليكسب وسائل الرزق ويصارع في الحياة وبما ان الله هو اللي خلقة كدة سبحانه هو المبدع يبقي اكيد دة افضل شئ انا بشفق علي الشعب المصري كلة بنوعية رجل وامراة الحياة صعبة ولا تحتمل المناكفة لازم كل واحد يغض الطرف شوية لو الزوجة شكلها اتغير مش يبقي الدنيا اتهدت لو رفع معنوياتها اكيد هتحاول ينبهها بلطف قريت مرة قصة باختصار ان زوجة كانت كسلانة فترة والبيت مش نضيف عمل اية كتب لها علي شاشة التلفزيون عزيزتي لكي مكانة عندي عالية (علي التراب) عشان ميضايقهاش وعموما اي نعم ربنا احل التعدد ويستحيل ان اي حد ينكر دة ولكن ربنا قال ولن تستطيعو ان تعدلو ولو حرصتم كل الحرص حط نفسك برضة مكانها وتخيل ان الزوج تزوج زوجة تانية هيبقي الشعور اية ساعتها المشكلة ان مفيش مصارحة ولما الست بتدي الراجل بيعتقد ان دة حق مكتسب ومعاك حق ان الستات بتهمل روحها بس لعدم التشجيع ولكثرة المسؤليات وزمان قالو القفة ام ودنين يشيلوها 2 مش لازم يبقو ال2 ناقر ونقير وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ يعني دة اية من ايات الله ومعجزة من معجزاتة او من دلائل قدرتة في الارض ودة الطبيعي والفطرة الل ربنا خلق الناس فيها منسيبش بقي فرص للشيطان للتفريق ربنا يهدي المسلمين جميعا ويهديهم ويؤلف بين قلوبهم ويبعدد عنهم وساوس الشيطان ويحمي بيوت المسلمين كدة يا ا/ مهند !!! انا ضمنت خلاص وابصم بالعشرة مفيش حد هيقرا مشاركاتي تاني هنا يا جماعة انا غيرت رايي الستات وحشين ووحشين اوى اوي كمان والرجالة 100%:1467AC~1 54: تعيش الحكومة

كلام رائع، وأضيف:
لذلك لا أوافق أبدا على مطلق عمل المرأة، إلا في بعض الحالات وبعض الظروف. أما إذا كانت المرأة غير محتاجة للعمل فبيتها أولى بها، لأن العمل يسبب ضغطا نفسيا زائدا على المرأة، ويدفعا دفعا لتهمل نفسها وبيتها. هذه واحدة.
أما الثانية فمعك كل الحق في أن الأمر في يد الرجل في معظم الحالات؛ لأن المرأة كائن عاطفي يحب المدح والثناء، وتحب أن تكون جميلة دائما في عين الرجل الذي يهتم بها، وأنا دائما عندما يشتكي لي أحد أصدقائي من إهمال زوجته، أقول له: إن البنت قد تمشي بمظهر غير جيد في كل الطرق إلا في الطريق الذي فيه الشاب الذي يغازلها، بل تتعمد في طريق هذا الشاب أن تلبس أفضل ما عندها. ولذلك يجب أن تهتم بها إذا أردتها أن تهتم بنفسها. فيجب أن تغازلها وتهتم بها وبخاصة في الفراش؛ حتى تحبك وتحب لقاءك.
ويجب أن يساعد الرجل زوجته في مهام البيت إذا كانت مريضة أو متعبة لأن هذا يريح المرأة نفسيا، ويزيد من محبتها لزوجها، والنبي صلى الله عليه وسلم كان في مهنة أهله وكان يخيط الثوب ويخصف النعل.
والحل فعلا في سنة النبي صلى الله عليه وسلم، والله لو درس الرجال والنساء سنة النبي صلى الله عليه وسلم في بيته ومع زوجاته لما حدثت كل هذه الخلافات، والله أعلم.