<hr style="color: rgb(255, 255, 255);" size="1"> <!-- / icon and title --> <!-- message -->
بسم الله اللرحمن الرحيم
كنت عملت الموضوع ده فى احد المنتديات وقلت انقله هنا
ارجو من كل الاعضاء الاعزاء كل من يدخل ويقراء الموضوع ان يدعى لى بظهر الغيب ان ربنا يبركلى فيها ويكفينى شرها وشر الحسد
الحمد لله استلمت الكيا سيراتو يوم 17 /8/2008
بعد فترة استمرت عدة شهور فى حيرة اختيار سيارة مناسبة وتجربة عدة سيارات كانت فى بالى منها اللانسر والصنى
وبعد ان رايت السيراتو اعجبت بها بس كنت خايف من الكورى (ومازلت - ربنا يستر) ولكن عملت عليها كل اللى اقدر عليه من بحث وتنقيب لان للاسف الحصول على معلومات دقيقة صعب ومعرفتش اسوقها الا لما اشترتها
وسئلت عن قطع الغيار
ولقيت الاسعار معقولة بالنسبة للتوكيل وبالمقارنة باسعار بعض السيارات الاخرى
بس بداية احب ان اقول ان اختيار سيارة بعينها لايعنى انها افضل سيارة ومالم نختارها لايعنى انها اسواء
وارجو ان اوضح ان اظهرت بعض عيوب فى سيارة او مميزات فى اخرى ان لايزعل احد فالسيارة الة لخدمتنا وليس من باقية عليتنا فمحدش يزعل هو مجرد تقيم شخصى يعتمد على جهدى الفردى ويحتمل الصواب والخطاء
بعد ماستقريت على شراء السيراتو وصليت استخارة عدة مرات روحت حجزتها من عند الوكيل وكان عنده اللون الاسود فقط اما اللون النبيتى اللى كنت عاوزه فكان عليا ان انتظر اكتر من 20 يوم واتكلت على الله ودفعت مقدم حجز وبعد مادفعت حسيت انى غلط لان فكرة الكورى مسيطرة عليا وقعدت فترة مهموم وكنت بافكر انى اروح اسحب مقدم الحجز بس كنت باتاراجع تانى وبعدين جه موضوع نكد عليا اوى موضع استبدال السيراتو بالموديل فورتىمن اول 2009 يعنى الموديل ده فى السوق هيبقى سنة واحدة فقط يعنى مافيش انتشار وبالتالى قطع غيار اقل واسعار اعلى (حاجة تقرف)
المهم واحد صديقى كان يعرف شخصية مسؤلة هناك فى ابو روش وعملى تخفيض حلو فى السعر بس بشرط انى اوعده معلنش الموضوع و وعدته وكنت مبسوط جدا
وانا رايح استلم كان فيه مزرعة من السيراتو والبيكانتو فى الساحة الكبيرة امام التوكيل وقعدت اتفرج انا وصاحبى
وشوفنا كل الالوان مرة واحدة وصاحبى كان بيحاول يقنعنى بالسماوى بس انا فضلت على رأى النبيتى !
رحنا دفعنا الفلوس وطلعو العربية وقعادو يلمعوها واتأكدو من وجود الولاعة ونسختين مفاتيح و2 ريموت كنترول
وحطولى 3 لتر بنزيين (بحالهم) بواسطة قمع وخرطوم
وادونى المبايعة وصورة من سداد الجمارك على ان اتوجه بيهم لمرور بين السرايات علشان اطلع شهادة البينات
والان اقدم لكم العروسة الانسة كيا سيراتو
موليد 2008
اعلى اوبشن فى الاتوماتيك بدون فتحة السقف
اللون نبيتى
محرك 1600 cc DOHC CCVT 16v
122 h@6200 rpm
15.7@4200 rpm
Steptroinc Gearbox
الطول الاجمالى : 4500 مم
العرض الاجمالى : 1735 مم
الارتفاع الكلى : 1473 مم
قاعدة العجلات : 2610 مم
الوزن ك 1300 كجم ( مش متأكد من دى اوى)
الارتفاع عن الارض ك 16 سم
الشكل من الامام 
علي فكرة دي النمر المعفنة بتاعة المرور واشتريت الصاجتين ب 50 جنيه وكتبوها بالقلم !!!!!!!
