المشاركة الأصلية كتبت بواسطة nubira
انا فعلا خلاص قررت اغير سير الكاتينة وانتهي من قلقه وبلاها توفير ولا حاجة
ولكن عندي مشكلة ثانية اهم وهي ان العربية بعد اي مشوار ولو بسيط متعود لما ادخل الجراج افتح الكبوت يهوي الموتور لان المروحة بتفصل بمجرد ما ابطل العربية ( بعكس عربيتي القديمة فيات 128 كانت المرووحة بتفضل شغالة لحد ما تبرد العربية حتي بعد ما ابطل المحرك ) المهم لما بكشف الكبوت الاقي جسم قربة المياه سخن جدا وكوعة المية اللي راحة من الريداتير علي الموتور سخة جدا ما اقدرش المسها مع سخونة الغطاء الفيبر للموتور والمراوح مع العلم ان موشر الحرارة اقل من النصف بكثير والمروحة مش بتشتغل الا بعد فترة برغم تلك السخونة مما يعني ان حرارة الموتور طبيعية وسحب العربية ممتاز والحمد لله وصوتها هادي وسألت مكيانكي قال اشيل ثروتستات الكوعة والغيه خالص فعايز اعرف الاتي
1 ـ هل حرارة العربية كدة طبيعية ؟
2 ـ وهل شيل ثرموستات الكوعة بيأثر علي الموتور ولا لأ ؟
3 ـ وهل الريداتير له ثيرموستات ممكن اغيره بنوع واطي كما كنت افعل في عربتيي القديمة ولا لأ ؟
4 ـ وهل المراوح من الطبيعي انها تبطل بمجرد ما ابطل العربية ؟
|
1-الحرارة مضبوطة ومتخافش من حاجة
2- اياك تلغي ترموستاكت الكوعة لأنة يخلي العربية تبرد وهيا ماشية ودة هيخلي جسم الموتور ينكمش اسرع من البساتم فيبدأ يحصل تأكل سريع جدا 4 او 5 شهور بالكتير هتبدأ تحس بفرق في الأداء وبعدها تحتاج تعمل عمرة للشنابر و الشمايز
3- لا يوجد مثل هذا الثرموستات
4- حسب وعادة هي لو سبت الكونتاك مفتوح هتفضل المراوح شغالة و متقلقش علي الحرارة الا لما يكون عندك تسريب في الريديتير غير كدة متقلقش نهائيا