[MOSTAFA SALLAM]

انا كنت فى نفس الحيرة بس اخترت اللوجان ببساطة شديدة علشان هى عربية اوروبى و بعدين شركة رينو و وكلاء EIM مش هينزلوا عربية غير و هما واثقين انها هتحقق نجاح و مش هتبوظ سمعتهم و بالفعل العربية حقق نجاح باهر و اكتسحت السوق و نزلها قطع غيار خارج التوكيل و كل دة خلال سنتين فقط و بعدين العربية اسعارها فى زيادة و مش بتقل لأن نسبة الحجز عليها كتيــــــــــــر جداااا و اثبتت نفسها خلال فترة قصيرة جداااا و بقت تتقارن بعربيات زيادة عن ثمنها ب 20 الف جنيه و دة حقها لأنها لو نزلت بسعرها الأصلى مكنتش قلت عن 85000 جنيه هى رخيصة علشان اتفاقية اغادير مش اكثر .
بس انا ملاحظ ان فى ناس كتير عاوزين يبوظوا سمعة العربية بسبب داشيا او داسيا الرومانية .
اللوجان بتنزل فى مصر و اوروبا بأسم رينو لوجان .
فى الهند باسم ماهيندارا لوجان و مكتوب تحت كلمة لوجان E BY RENAULT .
فى امريكا الجنوبية باسم نيسان ابريو و مكتوب على فابريقة العربية عبارة E BY RENAULT .
فى بعض الدول باسم داشيا لوجان و ذلك بعد ان اشتريت رينو شركة داشيا فى عام 1989 تقريبا و برضه مكتوب تحت كلمة لوجان E BY RENAULT .
يا جماعة العربية كل مكوناتها من انتاج رينو الفرنسية و متجمعة فى مصنع رينو صوماكا فى الدار البيضاء بالمعرب و اشراف فرنسى .
و بعدين العربية اللى بتنزل مصر هى نفسها اللى بتروح اوروبا و طالعة من نفس المصنع ما عدا الكمليات اللوجان اللى بتروح اوروبا فيها 2 اير باجز و نظام فرامل ABS انما بتاعة مصر اير باج واحدة للسائق و فرامل ABS و بعدين نزل دفعة اتحاد اوروبى و هى عدد 60 سيارة تم دعمها من اوروبا بسعر المغربى كنوع من العرض الترويجى مع اضافى سعر الأير باج و ABS .
و هى نازلة ب 77000 جنيه لسد النقص فى اللوجان المغربى .