[حازم شاهين]

مدارس القيادة مهمتها إعطاء اﻷساسيات فقط و دى مرحلةمهمة و أعتقد أفضل المدارس هى التابعة للمرور فعلا ﻹنها بتساعد على إستخراج الرخصة فعلا

و بعد التدريب اﻷولى و إستخراج الرخصة عليك إنك تزود خبراتك و مهاراتك بالممارسة المستمرة ، و يفضل فى البداية فى مناطق هادئة أو فى أوقات متأخرة من الليل أو الفجر لتجنب الزحام و المواقف الصعبة

و إبعد عن المناطق المكدسة زى إمبابة أو الطرق السريعة زى الكورنيش و الكلام ده ﻹن السواقة فى اﻷماكن دى صعبه و غير مناسبة للمبتدئين فى القيادة

فى النهاية فيه ملايين من البشر بيسوقوا العربيات فى كل مكان على إختلاف قدراتهم يعنى قيادة السيارة مش لوغاريتمات و لا هياش إفتكاسة يعنى بالعكس قيادة السيارة مهارة فى مستوى الطالب المتوسط (قصدى الشخص العادى) و أمهر السائقين كانوا مبتدئين فى يوم من اﻷيام

و ربنا يوفق إن شاء الله