رد: الفلوانس VSالاانترا الشكل الجديد
بص انا حكلمك بصراحة
ABS لوحده مش اعجاز - بل على العكس في بعض الاحيان بيكون عيب
لازم ال ABS ييجي معاه EBD و BA في الحالة دي اداء الفرامل بيرتفع بمعدل 60%
ال ABS معناها فرامل مانعة للانغلاق - يعني في حالة الفرامل الفجائية بتدوس على الفرامل جامد فالعجل بيكلبش و العربية بتتزحلق و خصوصا لو الارض زلقة مع وجود ABS بيمنع ان الفرامل تكلبش و لكن بيحول الضغطة الجامدة اللي انت بتدوسها الى نبضات للفرامل يعني تمسك و تسيب بسرعة كبيرة جدا فده بيمنع ان الفرامل تقفش و الرعبية تتزحلق و بالتالي بيدي تحكم افضل للسيارة اثناء الفرملة حتى لو طول مسافة الفرملة شوية
EBD يعتبر موزع الكتروني للفرملة يعني ايه - بيخلي كل فرملة تتعامل على حدة - يعني لو الفردة اليمين قفشت و ابتدت تتزحلق يقوم يفكها هي بس و يمشك التلاته الباقيين و هكذا في اجزاء من الثانية بحيث ان العربية تظل في خط مستقيم و متحدفش او تتزحلق و بالتالي يقل الخطر الخروج عن المسار و تقل مسافة التوقف 60%
و ال BA برضه بيؤدي عمل مماثل و يسمى بريك اسيستانت او مساعد الفرامل لرفع اداءها
|