ايه ده كله يا ايمن باشا ... دي ميول معماريه عنيفه ...
اشكاليه العماره انها تتوسط معيار العلم و الفن ... يعني لو رسمنا خط بين العلم و الفن .. موقع العماره في نقطه المنتصف ...
النقطه التانيه ان التصميم المعماري بيعتمد على المفهوم التصميمي او الكونسبت Conceptual design
وده غالبا بيعتمد على اتجاه مدرسه من مدارس التصميم .. التكعيبيه - المستقبليه - الوظيفيه ( نسبه ان الشكل يتبع الوظيفه زي تصميمات المدرسه الالمانيه مثلا بي ام و فولكس ) -
العضويه ( استمداد التصميم من خطوط و اشكال الطبيعه او عمل تصميم يتناغم مع البيئه المحيطه - زي التصميمات الايطاليه فيراري و مازيراتيptmnlo123per112)
العماره لازم تكون مرتبطه بالبيئه المحيطه وبتعتمد على دراسات الحركات الفنيه و الارتباط بالحركات السياسيه و الاقتصاديه
( تصميمات الاشتراكيه :- باكيه متكرره بنفس الشكل نسبه الي المفهوم الاشتراكي - مبنى كليه عماره و اعدادي هندسه جامعه القاهره )
( تصميمات رأسماليه :- ناطحات سحاب مثلا ... )
من غير ما اكلكع الامور و اعقدها ... لأن الكلام ده اساسا اكبر من غالبيه المعمارين و لا يصل ليه الا كبار المعماريين ... وعلشان مبقاش بقول كلام انا نفسي مش فاهمه ....
يعني ممكن مثلا نقول ان المهندس المعماري العادي ( اللي زي حالاتي ) يبقى صحفي او محرر في جريده .. في حين ان اساتذه العماره ( كمثال و ليس حصرا :- زها حديد - حسن فتحي - مايكل جريفز - فرانك لويد رايت ) دول الكتاب المبدعين الحاصلين على نوبل في الادب ....
وجه نظر شخصي المتواضع بتكره حاجه اسمها التفكيكيه ... لأنها بتخرج عن القوانين الطبيعيه و قوانين الجاذبيه والاتزان و الثبات ... يعني مثلا الحيطه تتطلع مايله كأنها خلاص حتقع .. المسقط الافقي غير مرتبط بالرأسي ... كل حاجه كده مع نفسها بدون قانون .. و ربنا مخلقش الدنيا كده !!!!
_________________________ _________________________ __________________
اقتباس :-
نشائتها :-
فى البداية نشأت من أعمال الفيلسوف الفرنسى جاك دريد
فتلك الاعمال تميزت بشكل جوهرى فى اصالة الشكل الظاهرى للاشياء والتمييز التقليدى فيها .
المعماريان برنارد تشوس وبيترايزنمان ربطا الحركة بنظرية معمارية
فلسفتها :
• يجب ان تتحرك العمارة بعيدا عن صلابة المدلولات الطبيعية والتعارضات الى التقليدية ومن امثلة ذلك:
• 1_ التباين بين شكل المبنى والارض المقام عليها
• 2_ التباين التقليدى بين الهيكل الانشائى والزخارف .
• عمارة الديكونستركشن اصبحت مركز نظريات الفن والعمارة فى امريكا فى فترة الثمانينات .
• اصبحت هى الاتجاه الاكاديمى الرسمى فى بعض أقسام العمارة والادب والفن فى الجامعات الامريكية
• تدعو عمارة الديكونستركشن الى هدم كل الاسس الهندسية الاقليدسية
• تدعو الى تفكيك المنشات الى اجزاء
• تدعو الى اعادة النظر فى العلاقات سواء كانت الانسانية او العمرانية .
• الديكونستركشن لا تعنى الهدم كما يدل ظاهرها ويرى تشونى ان هناك هدم ايجابى او هدم او اعادة بناء
• هى مرتبطة بفطرة الانسان حيث ان الطفل يفكك اللعبة والراديو بشغف لمعرفة محتوياته وكيف يعمل
• من هنا يمكن ادراك ان الديكونستركشن من الغرائز الاساسية المبهجة للانسان.
يقول المفكر شارلز جنكز فى كتابه new moderns ان الديكونستركشن
• هى عمارة التكسير واللاتماثل واللا اتساق
• هى عمارة مليئة بالمفاجئات الغير متوقعة
• تستخدم مفردات العمارة الكلاسيكية بصورة معكوسة او مشوهه
• عمارة كلاسيكية وضد الكلاسيكية .
• يقول حول الديكونستركشن والبوست post رغم الفروق الواضحة بينهما الا انهما اتفقا على شىء جوهرى وهو الاختلاف والبعد ونقد كل ما هو تقليدى ومألوف .
_________________________ _________________________ _________________
التصميم المعماري ده فلسفه و ثقافه و فكر و ابداع و رؤيا مستقبليه و دراسات و علوم انسانيه ...
اللي عندنا ده ... بطييييييييييخ
اسف للاطاله .. خلينا في العربيات احسن