[فادى]

والثورة مستمرة

مستمرة لحد امتى بس؟! انا مش عارف شباب الثورة عايزين ايه,
الحكومة مكنتش عاجباهم شالوها,
قالو الشرطة بتعامل الشعب وحش و اديهم حرقوا الاقسام كلها و نهبوها و سرقوا الاسلحة اللى فيها و ضربو و قتلوا ما تيسر من الضباط و الأمناء!
قالوا اصل مبارك ديكتاتور و بقاله كتير و زهقنا فتنحى,
ساب احمد شفيق قالو ده تبع مبارك و النظام السابق فاستقال!
المجلس العسكرى جابلهم عصام شرف اللى اختاروه شباب الثورة بانفسهم,
دلوقتى عصام شرف نفسه مش عاجبهم.
دلوقتى القضاء مش عاجبهم و بيقولوا انو بطىء و متواطىء!
و المجلس العسكرى نفسه مش عاجبهم و المشير طنطاوى اصلو كان تبع مبارك.
لا عاجبهم شرطة و لا قضاء و لا جيش و لا اى حاجة, و لا معاهم حتى أغلبية و لا اى حاجة فاضل ايه فى الدولة؟!
يعنى مش عارف الناس تعملهم ايه؟! يسيبولهم البلد و يمشوا و لا ايه؟!