بس لى تعليق بسيط
لية الشركة المصنعة للمحرك والناقل السرعات عملت طبة لتنزيل الزيت فى الموتور ومعملتش طبة تنزيل زيت فى الفتيس
اى شركة بتصنع حاجة وبيكون فى اجراء بيتعمل بانتظام كل كذا الف كيلو لازم يكونو مجهزين وسائل لاجراء عملية الاصلاح
مش ممكن مش ممكن يكون الزيت بيتغير كل 40 الف مثلا زى ما بيتقال والمصنع ما يعملش طبة لزيت الفتيس
اؤكدلك انة استحالة يكون فتح كرتيرة الفتيس وتغيير الجوان اجراء متبع للصيانة الدورية ولكن لصيانة الطارئة
كان سهل عليهم جدا جدا انهم يعملو طبة لتغيير الزيت لو ان فعلا زيت الفتيس بيتغير كل × كيلو متر
هناك فرق كبير بين وظيفة زيت المحرك ومسار زيت المحرك بينة وبين زيت التروس
زيت المحرك بيتعرض لدرجات حرارة هائلة وضغوط كبيرة ومسارات تصل فى بعض الاحيان الى 2 مم
اما زيت التروس زو الزوجة العالية لا يتعرض الى درجات حرارة عالية ولا لضغوط
تصميم التروس نفسة بيكون فى خلوص او بوش بين السنة والسنة المعشقة ودة لديناميكية الحركة
صندوق التروس لا يوجد بة فلتر لتنقية الزيت الا فى ناقلات الحركة الهيدروليكية
اعتمدو على طبة مغناطيسية لتجميع برادة الحديد ودة فى كل ناقلات السرعة اليدوية
لون الزيت اللى تم تغييرة ذو لون اسود دة شىء طبيعى انما فى المحركات مش طبيعى
رائحة زيت الفتيس مختلفة ودة لانة فلفلينا وله رائحة معينة اما بيتعرض للحرارة العادية
اخيرا اسالك سؤال ما الفرق بين صندوق التروس فى السيارات وصندوق التروس فى ماكينات الخراطة
حد عمرة سمع ان فى مخرطة غيرنلها الزيت على × ساعة تشغيل مع العلم ان صندوق التروس للمخارط والمكاشط اضعاف اضعاف ثمن الفتيس للسيارة
|
استأزنك فى الرد على كلامك بشوية اسئله واتمنى ان تجاوبنى عليها
1 زيت الموتور ممكن يتغير كل الف كيلو بس هل زيت الفتيس ممكن يتغير كل الف ؟
2 هل كل السيارات زى الدايو ملهاش طبه فى الفتيس لتنزيل الزيت القديم ولا الدايو بس اللى ملهاش ؟
3 حضرتك بتقول ان زيت الموتور بيتعرض لحراره واجهادات كبيره بتؤدى الى تغيير خواصه وافساده ( كلام سليم ) بس هل زيت الفتيس مبيتعرضش لنفس الظروف على اخف ؟
4 هل لأن اصحاب المخارط مبيغيروش زيت المخارط والمقاشط يبقى ده صح ؟
اهم سؤال
ايهما افضل للحفاظ على الفتيس ؟
زيت جديد بكامل خواصه من درجة لزوجه و مكونات مستقره و نقى خالى من الشوائب والمعادن مما يحافظ على عدم تأكل المكونات المراد تزييتها
ام
زيت انتهت فترة صلاحيته فى اغلب الأحيان و تغيرت خواصه من لون ورائحه واكسده و درجة لزوجه وقدره على التزييت ومليان شوائب وبرادة حديد والومنيوم تتسبب فى تجريح وزيادة تأكل الأجزاء المراد تزييتها وفى بعض الأحيان تؤدى الى اعاقة حركتها ( العضه )
؟
؟
؟
سؤال اخير
ما هى الأضرار المترتبه على تغيير زيت الفتيس ؟؟؟؟؟؟؟؟؟؟؟
مستنى رد حضرتك فى اقرب وقت
و
سلام مؤقت