هو العزم الاقصى فعلا عند 5800 دد
بس 90% من العزم الاقصى بيتوفر عند 3000 دد
وبالتالي النقل عند 3000 دد مناسب جدا
غير انه بالتجربه بالاوتوماتيك مع نمط قياده معتدل العربيه بتنقل لوحدها قبل مل تعدي ال 3000 دد
المشاركة الأصلية كتبت بواسطة tham1010
أنا بسأل دة لان يعنى 40 كيلوا تعتبر بطئ ومحتاج إنها توصل 50 كيلوا علشان أكون ماشى زى اللى العربيات اللى حوالى. محدش بيعدى 60 كيلوا إلا لمددة دقيقة وغصب عنه هيهدى لوجود إشارة أو زحام أو تقاطع لاننا فى مدينة صغيرة. أنا مش عاوز كل شوية أخد الثالث وبعدين أنزل الثانى بعد دقيقة ، وأرجع أخد الثالث وأرجع للثانى مرة ثانية بتغير السرعة من 50 أو 60 إلى تحد 40 كيلوا حسب ظروف الطريق...
|
بس لو رجعنا لاستفسار حضرتك الاولاني حنلاقي اننا بنتكلم عن السرعه اللي العربيه تمشي بيها مستريحه مع اقل عدد لدورات المحرك لتوفير الاستهلاك و راحه الموتور
واعتقد ان الموتور عند 2000 دد ل 2500 دد بيكون مستريح جدا وبيطلع عزم كافي لاستمرار تحريك العربيه على سرعتها الثابته... بس اقل من 2000 دد العزم بيضعف جدا وممكن السرعه تقل
فحضرتك جرب الغيار التالت على سرعه 40 كم/س ولو لقيته في الرينج يبقى كويس جدا و كده التالت يشتغل معاك كويس بين ال 40 و ال 60 كم/س
اما لو لقيت عدد لفات الموتور نزل عن ال 2000 دد يبقى حتضطر تسقط للتاني
معلش الفتيس عندي اوتوماتيك فمش قادر احدد السرعه المناسبه لكل غيار في المانيوال
وممكن حضرتك برضو تبص على الموضوع ده و اتمنى يفيدك
http://www.masrmotors.com/vb/showthread.php?t=35530