ربنا يسترها علينا كلنا الصراحة انا عربيتى متسرقتش بس عارف قصص
حط فى دماغك ان الحرامى بينقى الاسهل و الاسرع و الاهدأ
على سبيل المثال و ليس الحصر
- واحد ساب المفتاح فى العربية و دايرة و نزل يشترى حاجة
- واحد ساب المفتاح فى العربية و نزل يشترى حاجة
- ساب العربية و قافلها و برضه بتتفتح و بتتدور بمفتاح (مش عارف ازاى)
- ساب العربية و قافلها و برضه بتتفتح و بتتدور بكسر علبة الدركسيون و تلميس الاسلاك بتاعة الكونتاكت مباشرة
- اسوأ حاجة بعربية نص نقل او تلات تربع نقل عفية العربية بتتجر من مكانها هيلا بيلا
نصائح عامة:
- عمرك ما تسيب المفتاح لحد لان ممكن يتاخد بصمته
- هات قفل دركسيون
- افصل كهرباء العربية لو حتركنها فى مكان مش مضمون (عن طريق مفتاح سرى عند كهربائى ثقة)
- فى واحد اخترع حاجة باستخدام بوردة جهاز محمول نوكيا قديم و شريحة خط و موصلها كهربيا بالابواب فلو اى باب اتفتح الخط يرن على موبايله يعنى لو انت فى كولالمبور و عربيتك فى مصر و بتتسرق حتعرف فى ساعتها