رد: اسعار الالنترا برة مصر 2012 Hyundai Elantra
مهو مش حل بردو علشان الشوارع مليانة عربيات والناس عندها اقبال على الشراء اننا نغلى اكتر واكتر
انا مع فرض الضرائب على العربيات الفارهه لكن اقل من 1600 سى سى تتباع بسعرها مش بضعف سعرها
وخدبالك اذا كانت العربيات الجديدة ديه التوكيلات بتكسب فيها قيراط فالعربيات الصنى او المتقفلة فى مصر التوكيلات بتكسب فيها 24 قيراط
واسلوب ان الناس بتشترى يبقى نغلى عليها ده كان اسلوب العصابة اللى ماسكة البلد والمفروض نخلص منهم بقى
مصر بلد كبيرة جداً وعندها قدرة استهلاكية وشرائيه على الاقل معقولة
بس عايزين فكر اقتصادى يوفر السيارات كسلعة اساسية وضرورية بدون نهب علشان ده هيبقى ليه تاثيرة الايجابى على الاقتصاد ككل
ومشكلة الزحمة ديه فى القاهرة بس ايه ذنبهم اللى فى باقى المحافظات اللى مفيهاش تكدس سكانى فى الاسعار ديه
وهل ينفع نحل المشكلة بمشكلة اكبر
وفين الفلوس بتاعة الجمارك ديه ليه مش حاسين بيها على الطرق او تطوير نظم سلامة للمرور
حتى التوكيلات الكبيرة ملهاش اى ادوار اجتماعية زى شركات السيارات الاجنبية
فالشاهد ان التوكيلات انتهازية وحرامية والنظام كله فاشل ولازم يتغير بالكامل
جمارك توكيلات ثقافة استهلاكية دور اجتماعى ورقابة سلعية قوانين مرور واستيراد سيارات وقطع غيار كل ده لازم يعاد النظر فيه الفترة الجاية
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|