رد: اسعار الالنترا برة مصر 2012 Hyundai Elantra
ستروين - موضوع الكلام مش العربية حلوة واللا وحشة
موضوع الكلام بوضوح ان التوكيل حرامي
لان اسواق العالم باقت مفتوحة على بعضها و الجمارك معروفة للجميع!!
بكل بساطة سعر العربية في الامارات مثلا الفل اوبشن بتتباع ب 55 الف درهم من التوكيل بضمان 5 سنوات من التوكيل و مكسب التوكيل ما يعادل 88 الف جنيه بدون جمرك
في بلد متوسط الدخل فيها 5000 درهم ( انا متشائم ) اي ما يعادل 8 الاف جنيه شهريا
لما تضيف الجمرك و الضريبة 60% يصبح السعر النهائي 140 الف جنيه
(انا كده عامل عبيط و بحط الضريبة و الجمرك على السعر النهائي شامل مكسب الوكيل و كل حاجة يعني مبحبحها ) لما غبور يقوم ينزلها بزيادة 13 الف جنيه لماذا؟ هو 13 الف جنيه على كل عربية مبلغ قليل؟
يعني لوط 200 عربية يكسب فيهم 3 مليون جنيه زيادة عن الوكيل الاماراتي؟
على اساس ان الوكيل الاماراتي راجل غلبان و مش عايز ياكل عيش؟
واللا على اساس ان متوسط الدخل في مصر 20 الف جنيه في الشهر ف 13 الف جنيه دول فكة؟
و انت بتقول على الشيفروليه كروز غالية - انت شايفها منتشرة قوي يعني؟
و ثم مين قالك اننا مش مقاطعين منصور و بتهاجمه؟ الكروز شبه مش موجودة في الشارع اصلا
من منصور لغبور يا قلبي لا تحزن
هو ده وجه الاعتراض مش اكتر
و لو تلاحظ ان سعر العربية في كل دول العالم متقارب من بعضه
يعني في امريكا 16 الف دولار = 92000 جنيه
في الخليج 55الف درهم او ريال = 88 الف جنيه
و هكذا
|