[mr_astra]

اول امبارح صديق لى طلب منى انى اروح معاة المرور عشان ينقل ملكية
فطبعا قلتلة الاول هانروح مرور رابعة عشان نجيب شهادة مخالفات من هناك بحكم ان الرخصة من رابعة
قالى لالا انا معايا واسطة اللواء الفولانى وهانروح على كدة
روحنا قابلنا رئيس الوحدة واعدنا معاة وجاب عسكرى وقالو مع الباشا لغاية اما يخلص الرخصة
طبعا العسكرى فضل معانا وخلصلنا كل حاجة ولا طابور ولا حاجة ولا حتى شنطة اسعاف ومثلث اللى اتمسك بية مهندس الفحص الطفاية وجبناها من هناك
بس صدقونى انا ما كنتش مبسوط لاننا اخدنا دور ناس تانية واقفة فى الشمس والحر
خلاصة الكلام هناك ان فى كوسة زى الاول بالظبط وما فيش اى اختلاف بس صراحة مهندس الفحص ما رضيش ياخد فلوس
المهم وقفت على شهادة المخالفات والحمد لله انها وقفت عليها عشان لو فعلا كانت مشيت انا كان هايحصلى زهول
رحنا مرور رابعة العدوية وكان زحمة موت وقفنا طابور على التصوير عشان ناخد ورقة بنص جنية وهى طلب شهادة مخالفات ورحنا لاخر شباك وادنالة الرخصة واستنينة برة عند الكشك ناخد الطلب اللى جبناة بنص جنية مدبس فية الرخصة والغرض من الموضوع دة انة يكتب رقم العربية ايام ما كانت ارقام فقط ويشوف عليها مخالفات ولا لا ......طب لية بيعملو كدة طالما الرخصة طلعت ارقام وحروف يبقى مية فى المية فى التجديد ادفع المخالفات بتعتها ايام ما كانت ارقام بس
المهم بقى عشان تسلم الرخصة للنيابة تقف طابور طويل جدااا جدا جدا .........طب لية اقف طابور عشان اسلم الرخصة دة لو عسكرى لمهم مننا واحنا واقفين هايقضى نفس الغرض
المهم ربنا سهل وسلمنا الرخصة ......خد عندك بقى يندهو 10 رخص ويستنو يجى نص ساعة او اكتر ////لية عشان السيستم وقع كل شوية السيستم وقع ولاحظت كمان ان المخالفات قيمتها عالية جدا جدا سمعت 2000 وسمعت 4000 وكولة معدى ومن النادر تسمع عشرة جنية
ولفت نظرى وانا واقف مستنى ان فى عربيات مفيمة داخلة تفحص
ولفت نظرى اكتر ان فى ناس بتدخل وتتصل بالموبايل يجلها واحد يركنها واشوفة خارج معاة الرخصة قبل الناس كلها
خلاصة الكلام ما فيش اى فرق قبل وبعد الثورة