[ahmed_harb777]

المشاركة الأصلية كتبت بواسطة aymangalal السلام عليكم ورحمة الله وبركاته يا جماعة انا باعتذر للأستاذ هشام باهى على المشاركة اللى عملتها ويمكن قولت كلمه زعلته منى(بدون قصد) وماكنتش اعرف والله انه ممكن يزعل وبوجه له الرساله دى وبقول له: ماتزعلش منى يا استاذ هشام وحقك عليا انا ماقصدش انى اضايقك بكلمه يمكن تكون بالنسبه لى عاديه لكن من حق حضرتك تتعامل وتسمع الكلام اللى يرضيك ايمانا منى بمبدأ (عَامِل كما تحب ان تُعامَل) يا ريت تقبل اعتذارى لانى بحبك وبحترمك وبقدرك جدا وبصراحة انا شاركت وكلمت ناس كتير وكنت بضحك معاهم وماحدش زعل منى يمكن عشان هم متقبلين الدعابه او اسلوب النكش فى الردود وكنت اعتقد ان حضرتك متقبل الكلام على اعتبار انه عادى يعنى (مش معنى كده ان حضرتك مابتقبلش الدعابه) لا بالعكس انا واخد انطباع عن حضرتك من خلال الكلام انك بسيط وودود جدا والواحد بيحس فعلا انه بيكلم اخ اكبر(وده شرف لي شخصيا) وماتزعلش منى واعتبرنى اخوك الصغنن حلاه ولو كانت العين ماتعلاش عن الحاجب فأنا العين وحضرتك الحاجب وماينفعش انى اقول حاجه تزعل حضرتك منى تانى انا اسف مره تانيه ويارب تكون مرضى

المشاركة الأصلية كتبت بواسطة Bahi الأخ العزيز/ أيمن جلال - المحترم السلام عليكم ورحمة الله وبركاتة أظهرت معدنك الطيب الأصيل برسالتك الرقيقة التى سعدت بها أيما سعادة ليس لما جاء بها من اعتذار عما أزعجنى ولكن لصدق نواياك التى مست مشاعرى قبل عقلى. أرجو منك -شاكرا وراجيا- تقبل احترامى وتقديرى لك أولا وثانيا تقبل طلب الصداقة الذى سأرسلة لك لاحقا لأننى أسأت فهمك وتقديرك. عسى أن يصبح الحجر الصغير الذى عكر صفونا لبرهة هو ذاتة السبب وراء صداقة دائمة وتعاون بناء. مع التحية والاحترام هشام باهى ملحوظة: هل تقبل صداقة صديق عجوز أكبر منك بـ9 سنوات فقط؟

الله يكرمكم ويبارك فيكم
انتم ناس محترمين