[hyundai2005]

المشاركة الأصلية كتبت بواسطة Islam_Shady على العموم موش انا اللى هادافع عن اليابانى و عن النيسان بالذات اى واحد بيفهم فى العربيات عارف يعنى ايه يابانى حتى لو تجميع موزمبيق لان الشركات دى عارفه معنى ان العلامه بتاعتها تتحط على عربيه لانها شركات بتخاف على سمعتها موش الشركات الصينى اللى مايفرقش معاهم ان العربيه تولع بصاحبها بعد ما يشتريها و عيب برضه لما تكون مشرف قسم و ماتعرفش ان مرسيدس و BMW تجميع مصرى اقل فئه فى الصنى بتنزل ب واحد ايرباج و على الاقل بيفتح فى الحوادث لاقدر الله علشان يابانى موش العربيات الصينى اللى حتى حزام الامان مابيمسكش فى اختبارات الامان و على فكره البلد الوحيده اللى الكورى فيها بيتباع بسعر اليابانى و اغلى و الناس بتشتريه هى مصر انا حاليا فى السعوديه و الكورى ده الناس بتبصله بنظره ولا الصينى عندنا يعنى الالنترا هنا ارخص بكتير عن الصنى و برضه ماحدش بيشترى الالنتراو بيجيبو الصنى مع ان الصنى هنا كورى موش يابانى و صحيح انت بتقوللى اتفرج قبل ما تحكم؟ انت ماخدتش بالك ان معايا السوبر صالون منها؟ على العموم يا ksnag ادخل فى ركن النيسان و شوف شكاوى الناس عامله ايه و ادخل ركن الهيونداى و الصينى و شوف الناس وثقت فى الصينى ولا لسه و برضه صلى استخاره

اولا انت انفعلت كده ليه احنا بنتناقش وبنحكم العقل وطبعا الشركات دي مش عبيطه بس انت مش في مصر عشان تعرف مشاكل التقفيل هنا عامله ازاي ومصايبها والكلام اللي بتتكلم عليه بتاع الايرباج عندك بس فالسعوديه تعالي شوف مشاكل الصني في مصر والماتور والمشاكل اللي فيه وبعدين اتكلم وانا عارف اللي عايشين فالسعوديه مش حاسين بحاجه عشان ب 5000 او 6000 ريال تركب مرسيدس وبعدين بي ام بتتجمع في مصر وفيها بلاوي ؟

طب ما البرليانس بتتجمع مع bmwعلي خط انتاج واحد !!!!!!!!!!!!!
والانجلون دي انجليزي تصميم وانتاج وتقفيل صيني يعني افضل 1000
مره من المصري
وبعدين قوللي كده نيسان عندك امبير السرعه فيها كام ؟؟؟؟؟؟؟؟؟؟
وبتقفله ولا ايه ؟
وعندك abs ,ebd وسنسور ووسائل امان ايه ؟

ومين الهجاص اللي قالك ان الايرباج مابيفتحش والحزام والهجص ده ؟
وبعدين بقولك ماتحكمش علي عربيه ماجربتهاش ؟ مش قصدي عالصني ولو انها تختلف كليا عن اللي فمصر !
العربيه انجلون محققه اعلي مبيعات في لندن وانجلترا؟
وفي الاخر اوعي تزعل والاختلاف في الرأي لايفسد للود قضيه ولا احد ينكر مكانه النيسان علي مستوي العالم