المشاركة الأصلية كتبت بواسطة ethan
انا عندي افيو 2011
وفيها كاسيت شيفروليه
وطبعا مفيش فيه مدخل USB
وانا زهقت من السيديهات
وكنت عايز حد يرشحلي MP3 كويس
بس انا كنت عايزه يشتغل عن طريق مدخل AUX
مش من موجة الراديو
يعني أعتقد انه هيبقى MP3 من العادي الشخصي
وهي دي المشكله ان هل ال MP3 العادي ممكن أشحنه عن طريق الولاعه
انا عارف ان ال MP3 اللي بيشتغل على موجة الراديو بيشحن من الولاعه بس معرفش العادي ينفع ولا لأ
وانهي الاحسن فيهم في جودة الصوت عن طريق AUX ولا عن طريق الراديو (اللي جرب فقط بالموبايل او اي حاجه تانيه)
وشكرا للمساعده |
الMP3 بتاع الولاعة اصلا موجود فيه AUX
( انا بتكلم عن ال MP3 بتاعى الشخصى جايبه من اكتر من 3 سنين من كارفور ب 150 جنيه و معاه الكابل بتاع ال AUX و فلاش 2 جيجا و ريدر و كونفرت ميكرو )
ملاحظة : ال AUX ان مش اوت ..... يعنى لو معاك موبايل يبقى تجيب ال ام بى ثرى ده و تشغل الموبايل على الام بى ثرى و منه على ال AUX ...
الام بى ثرى الولاعة فكرة عمله اصلا قائمه انه ياخد التراكات و يبعتها على موجه و انت تستقبلها من الكاسيت و خلاص ...
ممكن تجيب كابل AUX و تشغل موبايلك على الكاسيت
ده لو الكاسيت بتاعك
يدعم ال AUX ... طب لو
لا يدعم ... يبقى تروح راديو شاك (او اى محل حلو عندك)و تجيب شريط كاسيت بسلك يدعم ال AUX ... و توصل الموبايل بالشريط و تحط الشريط ف الكاسيت و تعيش ....
لو انت عايز ام بى ثرى ولاعة يبقى هات فلاشة و الام بى ثرى و ركب و عيش ع الراديو مش بالAUX ....
( الحل ده يوفر لك تمن الام بى فور اللى بيتشحن و يوفر تمن الحجارة للام بى ثرى العادى و يبعد الموبايل عن الكاسيت و ده الحل الامثل من الاخر )
مش عايز تجيب فلاشة يبقى هات ام بى ثرى عادى بحجارة او ام بى فور و اتعامل معاه بالام بى ثرى الولاعة (من كابل AUX ) او بالشريط بدل الولاعة ...
يعنى الخلاصة ...
فلاشة مع ام بى ثرى ولاعة (راديو)
موبايل مع ام بى ثرى ولاعة (راديو)
ام بى ثرى بحجارة مع ام بى ثرى ولاعة (راديو)
ام بى فور مع ام بى ثرى ولاعة ( راديو)
موبايل مع الكاسيت ( كابل AUX )
موبايل مع كاسيت ( شريط يدعم ال AUX )
ام بى ثرى بحجارة مع كاسيت ( كابل AUX )
ام بى فور يتشحن مع كاسيت ( شريط يدعم ال AUX )
انا بقى اقولك انك تشترى فلاشة مع ام بى ثرى ولاعة و تعيش
او تشترى شريط يدعم ال AUX و اى بود يتشحن و تبقى عملت حاجة نضيفة و تنفعك وتعيش و تنساها ( الموضوع ده مجربة ف الاوكتافيا و شغال زى العسل )
لا تقلق من جودة صوت الراديو . عربيتك جديدة
اهتم بنوع الشريط و نوع الام بى ثرى عشان فى حاجات مضروبة كتير و مش بتستحمل ... اشترى من راديو شاك اغلى بس اضمن كتيييييير
و ربنا يوفقك و اسف جدا جدا على االاطالة دى ... طمننا عليك
