المشاركة الأصلية كتبت بواسطة AboNoRa
بما ان ديه المشاركة رقم 2 ليك فلازم ارحب بيك الاول واحييك على تحليلاتك الذكية ديه
لكن حسب معلوماتى من مصادر فى هيونداى كوريا الام ، ان الدعاية الخاصة بهيونداى النترا فى مصر عمالة تتأجل لسبب لا اعلمة تحديداً (يمكن وضع السوق يمكن بالتنسيق مع الوكيل !! الله اعلم) لكن متوقع انها تبداء مع بداية الشهر الجديد وده معناه ان اطلاقها فى مصر رسمياً عبر الوكيل هيكون متزامن مع ده او لاحق ليه
وده كله معناه انها فى خلال الشهرين الجايين لازم تكون فى معارض الموزعين او على الاقل متاحة حجز واستلام
موضوع يخلص اللى عنده ده مش ممكن لانه اولاً يقدر يخلص اللى عنده بمليون طريقة مفيش توكيل بيغلب فى العربيات اللى عنده
ثانياً طول عمر غبور بيبيع عربيتين فى نفس الموديل مع بعض
الاكسنت القديمة والفيرنا
والفيرنا والنيو اكسنت
والنيو اكسنت والار بى
عادى جداً الراجل معندوش مشاكل
ده فى وقت كان بيبيع 3 موديلات من الاكسنت
النيو اكسنت ساعتها والفيرنا المصرى والهندى .... ده جباااااااااااار
اما بالنسبة للسعر
فى الظروف ديه والوقت ده وباعتبار عوامل المنافسه معتقدش انها هتنزل باسعار اقل من 120 ل 140
والشاهد على كده النيو اكسنت الار بى نزلت من اخر التسعينات 93 - 95 باوفر برايس وبتوصل ل 115
وهو لسه بيبيع نيو اكسنت القديمة عادى
فاعتقد ان التسعير هيبقى كالتالى
من 80 - 90 نيو اكسنت
من 90 - 100 نيو اكسنت ار بى
من 95 ل 110 النترا الحالية
من 120 ل 140 النترا الجديدة
وبكده يبقى اداك خيارات لكل المستويات وفض الاشتباك بين اسعار الموديلات القديمة والجديدة
وعنده مجال ينزل عروض بعد كده
وميز العربيات اللى بيعتبرها موديل 2012 وشكل جديد احدث من الالنترا والسيراتو والكروز واللى عايز الاحدث لازم يدفع اكتر
بس ... خلاص
 |
ابو نورا ياجامد
ممكن اعترض وازود كام حاجه
ده بعد اذنك طبعا
اول الموضوع الباشا بتكلم على الخليجى والاحمدى هو لو يعمل دعايع للاحمدى مستغطيه مفيش مشكله
لكن بيقول انه كلم شادى وقاله على اسعار
محدش فى غبور على مستوى البياعين يعرف الاسعار
واللى بيعرف الاسعار بيحترم نقطة انه عرف وطالما الشركه ماعلنتش يبقى مبيقولش
الانترا القديمه مازالت مطلوبه
زمفيش مشكله فى الاستوك اللى موجود ده لوفى استوك اصلا ....انا معرفش
الافانتى هاتزل اسمها نيو النترا 2012
مش بموتور GDI 140 حصان
لانه الموتور ده مش هاينفع معانا
السبب وراء تاخر السيارة
بعض التجارب على نوعية الموتور بالنسبة لنقاء البنزين
والبنزين المصرى مينفعش مع GDI لانه حقن مباشر
انما الموتور اللى فى العربيه هو هو نفس الموتور بس ملغى منه الجى دى اى ومعمول حقن عادى بس فيها وحدتين CVVT
مش وححده واحده
يبقى تانى وده محدش قبل كده قالوا
اول مره الناس هاتشوفوا
الموتور 130 حصان بوحدتين CVVT
وده المناسب كموتور وكطرمبة بنزين للموتور بتاعنا
لو عايزين الاسعار التقريبه والقريبه جدا جدا جدا
انا ممكن اقولها
بس هايبقى زيى زى الناس
هاقول ومش هاتطلع بالظبط
بس هاتطلع قريبة جدا
وكمان الفئات
عندنا فئة اساسيه
انا محدر الموضوع بالكامل بالفئات ولااسعار
هارفعه قبل الاعلان باليل
يعنى السبق هايبقى هنا انشاء الله