ههههههههههههههههههههههههه هههههههههههههههه

تصدق بالله يا طروقه متتخيلش انا عمال بضحك قد ايه علي السؤال ده وتخيل احمد بدر لو دخل علي الموضوع ده دلوقتي وشاف السؤال هيعمل ايه

طالما انا ابتديتها بالصراحه من الاول يبقي محدش يلومني يا عمي

حصريا ولاول مره هتعرفوا مين هو الشخصة المبهمة اللي مجننه احمد بدر الفترة اللي فاتت ديه كلها ههههههههههههههه

عمي شعبان رجل يبلغ من العمر قرابة ال 70 عاما يملك سيارة مرسيدس موديل 78 اتوماتيك وقرر يبعها لظروف مادية ومن حظه المنيل ان اللي شاف اعلانها احمد بدر وكل دماغ امي بيها وروحنا انا وهو نشوفها وعجبته واتفقنا خلاص واحمد خلص فيها معاه والعربية كانت بسم الله ما شاء الله واقفه علي حيلها وقولت لاحمد بدر اكشف عليها بالمره وقالي كبر دماغك وراح دفع الفلوس وخد من الراجل الغلبان ده البطاقة لحد ما الراجل يجبله شهادة براءة الزمه

المهم احمد بدر اكتشف ان فيها بارومه والعفشة كانت تعبانه جدا واتخنق وقالي مش هعملها دلوقتي والراجل يا عيني المفروض بيصرف العلاج بتاعه بالبطاقة وميعرفش لاحمد بدر طريق جره ويتصل علي احمد بيه ميردش عليه

المهم احمد بدر راح طلع شهادة براءة الزمه بنفسه وقعد يدلع بردك وسافر بورسعيد وهو مسافر الماتور قفش منه لان الزيت صفي وهو مش واخد باله المهم علي ما جاب ماتور وركبه والكلام ده كله كان عدي بتاع اكتر من شهر واضطر انه يروح تاني اشمون يطلع شهادة برأة زمه تانية علشان ينقل العربية وده طبعا مع ممرطه فيا كل يوم حد هههههههههههه

المهم في المره التانية لقي مخالفة ب 1000 جنيه علي العربية مترحله وفي اللحظه ديه مبقاش عارف يعمل ايه واضطر انه يكلم الحاج شعبان وهو طبعا مبيكلمهوش لاني انا المتحدث الرسمي ليه في كل مره وانا اللي باخد الكلام كله وهو نايم في السرير علي البحر وافضل احايل فيه لحد ما ريقي نشف وكان حالف ما يروح يدفعله المخالفة الا لما البطاقة ترجعله

وهنا بقا احمد بردك راح مصدرني معاه وخلاني روحت اديته البطاقة بعد ما شاف الذل ما احمد بدر 7 شهور الراجل مش عارف يصرف العلاج يا عيني

المهم الراجل ابتدي يرد جزء من جمايل احمد بدر عليه وعمل في كام حركه طريفه خلي احمد بدر زي ما انتوا شايفينه كدا دلوقتي هههههههههههه

وبعد المرمطه ديه كلها احمد بدر راح دفع ال 1000 جنيه الغرامه وجه ينقل لقي نفسه مطلوب منه 1300 جنيه ضريبه سنة علشان يطلع شهادة البيانات لان الرخصة انتهت

وبكدا ابقي حكيتلكم الحكاية بنسبة 80% هههههههههههههههههه

علشان بس انا كدا بحضر نفسي لان احمد بدر شكله بيجهز شنطته وجايلي دلوقتي