[Meemo The Beast]

المشاركة الأصلية كتبت بواسطة hazem_khidr مافيش اي زياده في المصاريف المروريه انا كنت هناك من كام يوم و مافيش اي حاجه جديده. وبعدين توزيع الشنط و المثلثات علشان يقضوا علي جشع كبار التجار اللي استوردوا و عملوا المثلثات و قيمتها لا تتعدي 5 جنيه و بيعها ب 50 و 70 جنيه علشان الجشع بس. و بعدين القانون كان عباره عن مشروع و الحكومه ما قالتش حاجه عن مواصفات الشنطه و الزمت الجميع بمثلثات مطابقه للمرور و قالوا حيبعوها في المرور الناس المستعجله و اشترت هيا حره مش علشان كام واحد اشتروا يبقي نعامل الاف الناس اللي ما اشترتش بذنبهم.

عزيزي حازم تحياتي

الفكرة مش فكرة كام واحد اشتروا لأن الحقيقة ان عدد كبير من الناس قد اشتروا بالفعل و مبلغ ال77 جنيه ربما يبدو بسيطا لبعض الناس و لكنه قد يكون مؤثرا جدا للبعض الآخر و بعدين المشكلة في التخطيط الخاطئ لأن موضوع الشنطة و المثلث تم التخبط فيه على المستوى الإداري لفترة تتعدى سنة خلال تلك السنة اشترى كثير من الناس الشنطة و المثلث و هنا أقول للمرة الثانية أنه بغض النظر عن بساطة أو جسامة المبلغ المدفوع فإن مبدأ تكافؤ الفرص بين المواطنين قد أخل به و الأسوأ أن هذا الخلل لم يكن في مصلحة الملتزمون الذين بادروا بالشراء انصياعا للقانون الجديد و إنما جاء الإخلال في مصلحة الذين تأخروا للحظة الأخيرة و ربما ما بعد الأخيرة.
عزيزي حازم
هذا مجرد عرض لرأيي المتواضع و ليس نقدا لرأي سيادتكم فأرجو ألا تزعل مني و الخلاف في الرأي لا يفسد للود قضية.
تحياتي