رد: اللي عمل حادثة قبل كدة يتفضل
بما ان الهجوم علية كتر ان انا عايزة بس اثبت ان الرجال اكثر حوادث وخلاص
هحكيكلكو عن الحادثة اللي فاكراها
هي مش حادثة جامدة بس اهو بقي اللي موجود
مرة كنت راكبة مع صاحبتي وواقفين في مطلع وانتو عارفين بقي حساسيتي من المطالع
المهم هي عربيتها ماروتي واقفين والاقي العربية اللي ادامها بترجع لورا او بتنزل المهم انا فضلت ابصلها انها ترجع او حتي تدوس فرامل....انا مش متخيلة طبعا انها مش فاهمة انها لازم تدوس كلكس او تنور له او اي حاجه ودي ابدا مفيش(الاشارة حمراء---) لما لقيته قرب قمت مزمرة انا بقي تيييييييييييييييييييييييي يييييييييييييت ....طراخ
طبعا الفانوس بتاعها اتكسر
بقت بعدها كل ما تحب تخرج تقولي ما تيجي نخرج نكسرلنا فانوسين
ومرة تانية بقي مش حادثة بس موقف غريب
كنت خارجة انا وماما وهي اللي كانت سايقة الزقزوقة شوماخر المهم واحنا كنا في شارع يوسف عباس والاقي العربية مرة واحدة بقت بتلف ولا لعبة الفناجين اللي في السندباد ومش فاهمة في اية وماما تقولي الدركسيون بيلف اقولها امسكيه تقولي مش راضي يقف وطبعا تدوس فرامل اكتر تلف اكتر واحنا نلف بالعربية لحد ما راحت العربية جنب اخواتها واقفين صف
اتاري كانت بقعة زيت في الشارع كبيرة واحنا افتكرناها مية بس بجد مكنتش خايفة من اللف اد ما كنت خايفة من انها تخبط في اي عربية تانية لكن الحمد لله ربنا ستر
اكيد لو افتكرت اي حادثة هقول واعترف
يا ريت بقي شوية رعب حوادث من اللي توقف النفس
__________________
 بسم الله الرحمن الرحيم
وما كان ربك نسيا
صدق الله العظيم
|