السلام عليكم يا
aymanhelmy
بص انت بالنسبه للسعر اللي انت كتبه ده تقدر تجيب حاجات كتير فمثلا ممكن
دايو : جوليت - لانوس 1 &2 - نوبيرا 1 & 2
هيونداي : ماتركيس و اسمها هناك لافيتا - و النترا بس موديل 2000 : 2002
كل الي فات ده مانيول في حدود 35000 الف
للعلم اللي يحددلك ان كانت العربيه مانيول او اتوميتك جواب الكمسيون مش انت
و لو تقدر تزود شويه في حدود 5000 تقدر تجيب اوكتاقيا A4 موديل 1998 لانها كانت اخر مره رحت عامله 40000
اما الاوتومتيك بتكون ازيد من المنيول من 2000 الي 4000 تقريبا
و خد بالك فاصل علي قد ما تقدر انا مشتري ماتركس من هناك اول ما ابتدي قالي 39 الف و فاصلت لغايه ما جبتها 34250
اما بالنسبه للبيعين فنصيحه ما تروحش لحد باسمه .
هناك هتلاقي تقريبا اربع مخازن ملينين عربيات دور فيهم و خدبالك طول ما انت ماشي هناك هتلاقي سماسره بالهبل علي قد ما تقدر نفض منهم لانهم شبه حراميه لف و دور الاربع مخازن مره و اتنين
ولو تقدر تاخد حد معاك فاهم كويس قوي لان هتلاقي عربيات شكلها حلو قوي و تحس انها زيرو بس اما تكشف عليها تلاقيها تعبانه و زباله من الاخر
وربنا يوفقك في الشراء و انا تحت امرك في اي سؤال