رد: تقرير شامل عن جيلى باندا(GEELY PANDA)
جيلي باندا عربية تملي العين بالنسبة لفئة هاتشباك عيوبها يمكن السيطرة عليها مثلا أن العربية واطية جدا لدرجة انها بتقابل كل مطبات مصر بالأحضان ممكن تلافي عيب زي ده بتغير الأطارات مقاس r/14/185/60وده بيدي ثبات ويرفع العربية بالتوازي دون أن يؤثر علي العفشة تأثير سئ وعلي فكرة العربية كنزة من بره لكن حوضها واسع وتستوعب العرض ده بسهولةعكس أسبرانزامثلا اخرها في العرض 175 بالنسبة للأطارات العفشة ناعمة وجميلة التقفيل كويس بس الخامات مش قد كدة ده طبعا مقارنة بخامات زي bmw أو الفولكسات العربية ثباتهها في السرعات و الملفات مقنع جدا علي الطريق وكمان حاجة مهمة منوجهة نظري الصاج بتاعها يستحمل الخبطات والضربات اللي تحرق دم أي حد معاها عربية جديدة مقارنة مثلا بعربية زي سوزوكي سيلاريو اللي الصاج بتاعها لو حد عطس جانبه هيتطبق ايه تاني أه الفتيس الأوتوماتيك للناس اللي خايفة منه عشان صيني مش بطال و ميخوفش بس لو واحد باقي معاه فلوس يركبلها dvd original زي بيونير التابلوه كمان جامد شكلا وموضوعا شيك جدا eregentع الأخر لمن يحب التميز بس كده لو أفتكرت حاجة تاني هقولكم ع فكرة العربية عملت معايا 5000 كم من أخر شهر مارس لدلوقتي وأنا شايفة أن أي بديل تاني لا يرضيني وأعتقد يوم مأحب أغير أتمني أني أمتلك رانجلر أو فولس جولف الجديدة بس أكيد مش هغيير دلوقتي ولو أحب أقتني قديم بحب قري سيريون موديلات2004 بس طبعا هتحتاج شوية مصاريف باي باي ويارب يعجبكوا رأيي
|