رد: عايز رايكم بصراحه .........اجيب افيو ولا فيرنا ولا فيات بونتو او البيا
والله أنا فى نفس المشكلة ومش عارف اختار . بس من الاخر حقولك يا سيدى كل المعلومات الى عندى
أولا : أفيو
اقتصادية فى البنزين، قطع غيار متوفرة ،سهولة إعادة البيع ،
المشاكل بتاعتها تتلخص فى
عداد RPM ، العفشة الخلفية خشنة شوية والتسارع مش عالى .
ثانيا : الفيرنا
موتور قوى ، تكيف قوى ، قطع غيار متوفرة ، سهولة إعادة البيع ،
المشاكل بتاعتها تتلخص فى
منخفضة على الارض يعنى من الاخر كدة لو واحد وزنه 100 كيلو جرام وجلس على المقعد الخلفى العربية بتحك فى المطبات ، فراملها مش فى قوة موتورها يعنى من الاخر متجريش ، الاتزان على السرعة بيبقى ضعيف وغير ثابتة.
ثالثا : البونتو
تقفيل بمواصفات إوروبية ، أقتصادية فى البنزين ،
المشاكل بتاعتها تتلخص فى
اولا ارتفاع اسعار قطع الغيار ، موديل 2011 بدون جنوط سبور و كشافات الضباب
رابعا : البيا
لايوجد عندى اى معلومات عنها غير المتوفرة فى أومترا الوكيل
|