[د.هبه77]

:0002 0080:
معلش بعد الشر عنكم كلكو يا رب
وربنا يسلم طريقكو ويبعد عنكم كل مكروه
بس اصل بصراحة واحدة جارتي عملت حادثة وباب السواق عندها اتدمر خالص
المهم الحمد لله هي محصلهاش حاجه
لكن انا سالتها سؤال غريب شوية قلتلها كان احساسك اية وانتي بتتخبطي معرفش حاسة انها بتبقي حاجه شنيعة المهم هي قالتلي انا مكنتش عارفة هو انا اللي بيحصلي دة
ومبقتش مصدقة نفسها هي صاحية ولا ميتة
وبعد الحادثة فضلت ساكتة ييجي 10 دقايق مش عارفة تقول حاجه
المهم بقي ان اللي خبططتها بتتخانق معاها البنت يا حرام جت ترد عليها لقت نفسها بتدوخ ووقعت من طولها
المهم هي بتحمد الله بس بتقول معتقدش ان انا هقدر اسوق تاني
اختي عايزة تجيبلها عربية لعبة هدية
(بقولها اه هتتدرب عليها من اول وجديد يعني!!)
المهم الهدف ان انا عايزة اعرف
لو لا قدر الله حد عمل حادثة يحكيلنا كان شعوره اية ساعتها واتصرف ازاي في الموقف دة
الحمد لله علي نعمة السلامة ويا رب ديمها نعمة علينا وعلي جميع عبادك المسلمين يا رب امين