انا كنت من اشد المتعاطفين مع ضابط الشرطة اللي انضرب في المعادي بعد الثورة!
و دايما باناشد باننا نشجع الشرطة للعودة للشارع
فاذا بي افاجأ باني عمال اخد قفا ورا التاني و انا مش واخد بالي
المفاجأة؟؟؟
ان الشرطة مش راضية تنزل الشارع مش علشان خايفة زي ما بيقولوا
الشرطة بتتدلع؟
جايز
لكن الاكيد:
انهم بيتعمدوا الاسمترار في مسلسل اذلال الشعب المصري بعد الثورة كما كان قبلها
من شماته مشابهة لشماته النسوان في تلقي البلاغات زي مش انتوا اللي عايزين الثورة - خللي الثورة تنفعكوا - او مثل - دافع عن نفسك بنفسك - او حاضر ربنا يسهل
و غيره من الردود التي تليق اكثر بنسوان قاعدة على ناصية حارة
و اخيرا؟ لم يكتفوا بسلبية وصلت الى حاجز ال 100% و لكنهم عادوا من جديد الى سياسة التعذيب و تلفيق الجرائم و العنجهية و الغرور
افكركوا بحاجة؟ الثورة لم تقوم اساسا من اجل عزل مبارك - الثورة قامت بسبب تجاوزات رجال الشرطة!! نسيتوا واللا ايه؟
مصر ليها اكثر من عدو - اشدهم ضراوة و بأسا هي العقليات الوسخة بتاعة رجال الداخلية