المشاركة الأصلية كتبت بواسطة hazem_khidr
ههههههههههههه
مش حيلاقي يا عم سامح
المقارنه محسومه خلاص للايطالي
و الموضوع مش حكايه ارقام
الارقام بتلعب دور ثانوي
و لو الموضوع موضوع ارقام كانت لانسر افيلوشن اللي بتجيب من
صفر ل 100 في 3 ثواني افضل من الفيراري !!!!
لكن العربيه احساس و نبض
ممكن اكون انا عاشق للايطالي بس دا من اللي شوفته منها
عربيه مهما تركبها ما تبقاش ملول منها ابدا
فيها روح زي الباشمهندس سامح ما بيقول
و تحس ان كل سنتم فيها متصمم بروقان و بحساب
ال132 ال 2000 لما كنت انزل من البيت و هيا واقفه تحت
بمجرد بس ما المح الجنط بتاعها احس اني واثق من نفسي اكتر
و لو اي حد شد معايا حقطعه و دايما كانت بتحصل
المواتير الايطالي معرفته بمعني الكلمه!!!!!!!
لو قعدت احكي عن تجاربي بعربيات فيات مش حيكفيني مجلدات فعلا
انا جربت 124 و 125 و 126 و 127 و 128 و 130 و 131 و 132 و الريجاتا
و الريتمو و الارجنتا و التمبرا و التيبو و الكوبيه و البونتو
و بعد دا كله جبت ياباني
و حاليا عاوز اجيب فيات تاني
هو دا السحر اللي في العربيات الايطالي بتخليك دايما منجذب ليها
............
|
المشكله انك مدام جربت الايطالي يبقى لما اتنقلت للياباني كان لازم تجيب حاجه احسن من الياريس
مثلا سيفيك
كورولا 1800 (و يسلام لو كانت مااانيوال)
انا عن نفسي ركبت الايطالي الفخم و الرياضي
و الياباني الفخم و الرياضي
و الالماني الفخم و الرياضي
محركات الايطالي بالذات بغض النظر عن انها سريعه او بطيئه او عزمها عالي او واطي
تحس ان المحرك ليه روح
*هناك فتره الروح انعدمت فيها من العربيات ديه و كانت في صالح الالماني و الياباني
و تحديدا ايام الكريسيدا و مرسيدس 200
و لكن بخلاف هذا
فانا ايام المانيا (الله يعيدها علي)
كان معايا ام 3 و جربت البورش و نفس الوقت جربت المودينا فرق جامد
الوحيده بعد كده اللي جربتها و حسيت انها قريبه جدا من المودينا بس كانت بطيئه على اول 3 سرعات كانت تويوتا سوبرا موديل 1996 كانت 3 سي سي خط واحد مش في و كانت بطلع 320 حصان عند ميكملش 6000 و عزم على حسب الدينوجراف 430 نيوتن متر عند ما بين 3800 و ال 4000
هما بس لو كانوا زودوا سرعه الدوران كان هيبقى عندهم عربيه بجد كنا نقدر نقول انها عندها نفس الروح من جوه زي الفيراري
يعني من الاخر بال بي ام دابليو ام 3 و التويوتا سوبرا اكون جربت اهم عربيتين فيهم روح و المفروض بتحلف بيهم
بس روح الايطالي كسبت الصراحه
انا لا انكر ان الاماني و الياباني احسن تكنولوجي و جوده و الكلام ده
بس مين بيشتري ايطالي بيفكر فالكلام ده اصلا
يعني انا اشتري فيراري عشان تكنولوجيا و جوده و رفاهيه (مش راكبه)
it is not a car,it's a ferrari
*ختاما احقاقا للحق ناس كتير فعلا على منتديات و اختبارات حتى في ايطاليا شكروا جدا في نيسان جي تي ار بس انا مجربتهاش عشان احكم و ناس اكتر مستنين محرك لكزس الجديد 5000 سي سي في 10 بعزم ما بين 780 و 850 نيوتن متر و قدره 605 احصنه