المشاركة الأصلية كتبت بواسطة samirsaid1

شكرا يا أبو حميد

بس يعنى الكاوتش وحش ولا إية لانها حصلت كذا مرة وبتحصل احيانا لو السرعة بطيئة

مع إن الكاوتش لسة سليم ولسة مغير التيل

وبمناسبة الفرامل لما بضغت على الفرامل وانا واقف بحس كإن فية خشونة أو صوت حاجة ناشفة قفشت مع تيل الفرامل زى حديد فى حديد مثلا وبسمع صوتها وانا جوة العربية
أنا يمكن مش عارف اوصف بالظبط بس بطريقة وصف تاني كان التيل دة مثلا حديد حشن وبيقفش على الطنابير والتيل القديم كان نفس الحكاية رغم انى لقيتة سليم ومش خلصان

ونفس الصوت بيظهر لما بنزل العربية من الجراج وهو عالى عن الأرض شوية بس لية مطلع وبنزل بالظهر وانا بكسر الدركسيون علشان ظهر العربية يرمى يمين أو شمال بعد مانصها بيخلص . وعشان الصوت يخف بشد فرامل اليد الأول وألف الدركسيون لانى بسمع صوت خشونة عند النزول ودوران الدركسيون يمين وشمال

ياريت أكون قدرت اوضح

وشكرا مرة تانية