رد: حسبة بسيطة لمصروفات الخروج بالعربية
من يومين كنت فى شارع جامعة الدول العربية ووقفت فى إشارة لقيت شاب زى الفل معاة فوطة وزى ماحضراتكو بتقولو وسخ العربية بالفوطة بتاعتة من امام السائق على الزجاج وانا أقولة مش عاوز يابنى امسح حاجة المهم جة جنب الشباك وقالى
حاجة يابية ؟؟
قولتلة ربنا يسهلك
يابية دانا مسحتلك العربية ؟
اللة يسهلك
يابية بعد مامسحتهالك ؟؟
يابنى انت ما مسحتش حاجة
يابية طيب أى حاجة ؟؟
يابنى انا معايش فكة
يابية اى حاجة منك حلوة ؟؟؟
روحت قايلة يابنى دا أنا شغال على العربية ؟؟
يابية طيب حاجة منك انت
وانا بصراحة اتضايقت منه رغم انى مبستخسرش حاجة بس للى شكلة يستاهل
وروحت قافل الزجاج وهو واقف مش عاجبة وكأنى ظلمتة وعذبتة وجرحت إحساسة
فهى فعلا ظاهرة زبالة
وللاسف ساعات بيبقوا جنب الشرطة والعساكر فى الإشارات
وعادى
|