حسبة بسيطة لمصروفات الخروج بالعربية
السايس:
- شافلك ركنة أو أنت ركنت لوحدك (كده كده الركنة موجودة ماجبهاش من بيتهم يعنى)
- مابيمسحش العربية حتى (بس ممكن يرفع المساحات عشان يعلم العربية)
- عامل تعريفة أو عامل ناصح (فيه راجل بيقولك أنا مش عاوز فلوس انا عاوز جلابية أصلى فيها الجمعه، طبعاً أقل جلابية بكام .....)
- حاطط طوب أو خشب أو عربية بالعرض أو موتوسيكل فى الركنة الفاضية (مش بيركن غير الزباين الدائمين، الطيارى لألألأ)
- جروب سايسين (تلاقى زى عصابة واقفة زى ادام جنينة مول مثلاً، وتحس أنهم مسيطرين أخر سيطرة)
بتاع الفل:
- واقف فى الإشارة وبدون سابق إنذار يعلقلك الفل على مراية الصالون (طب ليه بس كده)
الولد ابو فوطة:
واقف بيمسح العربية فى الإشارات وادام محلات الأكل (وياريته بيمسحها فعلاً، ده تقريباً بيوسخها أكتر)
الشحاتين:
ممكن مايسيبكش حتى لو قلبت بخناقة او بشتيمة (كأنه حق مكتسب، حتى لو مش معاك فكة)
بتوع المناديل:
يا تشترى يا تديله اى حاجة لله (والله الواحد مش معترض بس احيانا كتير بيبقى مفيش فكة)
--------------------
طيب نحسبها بقى بالراحة كده لو أنت خارج تشترى حاجات من مكانين مختلفين (مصر الجديدة ومدينة نصر مثلاً)
هتركن مرتين = 6 جم (يعنى بركنة ادام مطعم كمان عشان تاكل او تشترى حاجة من كشك)
هتقابل بتوع الفل والمناديل والفوطة والشحاتين = يعنى ممكن 5 جم
يعنى عاوزلك بتاع 10 أو 11 جنيه بس ويبقوا "فكة" عشان تعرف توزعهم.
يا جماعه بجد الواحد تعب جداً من الناس الكتيررررررر اللى فى الشارع ديه عاوزين ميزانية لوحدهم فى الخروج
|