رد: 16 مبرراً لا تسمح بقيادة المرأة للسيارة
يعنى اذا طبقنا هذا الكلام حرفيا !! يبقى من باب أولى الست لا تخرج الى الشارع حتى و لا تمشى على
قدميها ! و لا تركب أتوبيس و لا تروح الشغل علشان الرجاله ح تخطفها و الزنا ح يكتر !
واللى مالهاش زوج أو ابن كبير أو أخ يساعدها على طلبات الحياه تروح تموت أحسن !
وأيام الرسول عليه الصلاة و السلام كانت المرأه تذهب الى الحرب مع احتمال سبيها و أسرها !
و فى قصه مشهورة عن احدى النساء ( ولا أذكر اسمها ) كانت تدافع عن النبى بالسيف !! ونساء
المؤمنين كانوا يطببون و يداوون المرضى ! أنا لا أدعى انى فقيه و لكن الضرورات تبيح المحظورات
و عمر بن الخطاب أوقف حد قطع اليد فى أعوام المجاعه ! و بلاش كمان الطالبات يروحو الكليات
بما فيها الآزهر لحسن تتخطفهم الطير ! و من باب أولى الآزهر كان يمنع تعليم البنات ( مش عاملهم سكن )
و نبقى زى أفغانستان ! والزنا مش زايد فى البلاد الغربيه علشان السواقه و لكن لآن لهم معتقدات
مختلفه عن أخلاقنا فى الدين الاسلامى ! و تعالى يا عم فى النزهه الجديده خلف السندباد و اتفرج
على اللى عاملين نفسهم محجبات ! يا سيدى الفاضل المتربيه على الدين و الآخلاق الحميده لا يمكن
أن تزنى أو يزنى بها ! هناك سيدات فاضلات أفقه من مئات الرجال و بيعطوا دروس فى المساجد و بيخرجوا
يركبوا عربياتهم برده ( ولا أحسن نجيبلهم حماره أو بغله يركبوها ) ! أخيرآ فعلا اللى متوجس خيفه من
مراته أو بنته مايطلعلهاش رخصة سواقه !
Dr. Bolbolan مسلم و حاج و موحد بالله و ح أشترى لبنتى سياره !
|