حيلة جديدة للنصب
حيلة ذكية
واحد اتصل بيا وقالى انا سنترال فى الجيزة
وبعت لنمرت حضرتك 10جنية عن طريق الخطأ
قولتلوة مجاليش رسايل
لو لقيت الرسالة هبعتلك الفلوس انا ضميرى صاحى
قالى ماشى ياافندم والسلام عليكم
لقيت بعد مقفل معايا الرسالة جت
بس انا عارف ان معيش رصيد
ومستلف من فودافون
وفودافون مابتصدق تشحن تقوم خصمه السلف على طول
فشكيت ان فودافون مخصمتش ان العملية فيها ان
لقيتة بيتصل تانى ويقولى مابعتش لية
قولتلوة ماتقلقش هبعتلك
فدخلت على صفحتى فى فودافون لقيت رصيدى 0.17 جنية مصرى
وشوفت الرسالة تانى لقيت ابن اللعيبة باعت الرسالة من تليفونة
يعنى لو هية تحويل رصيد هتبقى من فودافون
فستنيت شوية لغاية ماتصل بية
قولتلوة ماشاء الله عليك زكى
قالى بيقولولى كدة فى البيت وفرح بنفسة قوى
قولتلوة حرام عليك حاول تشغلة فى حاجة مفيدة
لقيتوة هيقل ادبة فقفلت
خدو بالكم يا جماعة النصب والحيل كترت اوىىىىىىىىىىىىىى
سلام
__________________
عن أبي هريرة رضي الله عنه قال : قال رسول الله صلى الله عليه وسلم
(( كلمتان خفيفتان على اللسان ثقيلتان في الميزان ، حبيبتان إلى الرحمن : سبحان الله و بحمده سبحان الله العظيم))
|