بصراحة يا جماعه انا مابقتش اقدر افتح الكومبيوتر ولا النت الا لما ادخل المنتدي...يعني ممكن اظل اتصفح بالساعات لمواقع صحافة واخبار ورياضة وممكن فن لكن الشيئ الثابت جانب كل دول هو صفحة منتدي مصر موتورز...معرفش بين الحين والحين لازم ادخل اشارك وأقرأ مشاركات اخوانا واصدقاءنا الاعضاء الاعزاء...بصراحة اثناء التوقف السابق للمنتدي جربت دخول منتديات مشابهه للسيارات مثل منتدى شهير اخر كنت اشتركت فية قبل اشتراكي هنا بفترة وجيزة وايضا منتدي اخر للصيانة ومنتديات اخرى مشابهه...بس للصراحة بجد وربنا شاهد على كلامي مش عارف الجو هنا غير الجو هناك تماما...الصورة والالوان هنا غير هناك تماما...هنا تحس بالفه غريبة وعجيبة ماتحسش بيها برة المنتدى و متحسش بغربة بجد والله مش نفاق ورياء...ياترى مين زيي حاسس بالاحساس دا ويحكيلنا عمل ايه في فترة توقف المنتدي؟؟؟؟
طرحت الموضوع على شكل استفتاء نظر لانه وللاسف هناك بعض الزائرين والاعضاء بخلانين بالرد على المواضيع المختلفة فللتسهيل على الكل رجاء اختيار السبب بعاليه بدون تحيز وبمنتهى الامانة ...واللي عايز يكمل جميله ويعلق ويرد يبقى اخر هنا واخر جمال وله منى شكر واجب

تعليق مهم:انا ماليش دعوة بالادارة خالص وكمان دخلت انتخابات الاشراف ولم اوفق فلذا وجب التنويه.....