تسلم ادك جد يا كبير
موضوع هايل
انا معايا 516 موديل 2011 من 9 شهور وعامله 43 الف كيلو
وبدي للعربيه 85 % عموما
بس انا ليا 3 تعليقات و 3 اسئله يا ريت حد خبير اكتر فى العربيه يرد عليا
التعليق الاول : فعلا العربيه عفشتها ناشفه وصوت العفشه دايما عاملى قلق لكن العفشه لسه معملتش فيها اى شىء من يوم ما اشترتها والحمد لله
التعليق الثاني : الموتور صوته عالى نسبيا وبالزات حسيت بالصوت ده مع دخول الصيف والحر
التعليق الثالث : انا جبت بالعربيه 190 وكانت ثابته على الطريق لانه كان كويس ولكن العربيه مرتين عامت مني على سرعه 160 تقريبا وبعدها قررت انى ما اسوقهاش بسرعه اكبر من 140
(ده غير ان الكاوتش اللى جاى مع موديل 2011 سىء من وجهة نظرى )
بالنسبه للاسئله :
س1 : انا عامل 43 الف كيلو وبقالى 9 شهور زى ما قلت ولسه ماغيرتش اى حاجه فى العربيه غير الزيت وفلتر الزيت ومش بروح للتوكيل اصلا لشعوري بالاستغلال تنصحوني اعمل ايه عشان احسن اداء العربيه وترجع زيرو أو انا مقصر معاها فى ايه
س2 : اين اجد فلتر البنزين فى السياره (ملحوظه : 2 ميكانيكيه ماعرفوش يلاقوه)
س3 : المواعيد الحقيقيه لتغيير قطع الغيار المستهلكه مثل الفلاتر(زيت-بنزين-هواء) و السيور والبلى بانواعها و زيوت وتيل الفرامل و الباور والمياه