المشاركة الأصلية كتبت بواسطة spera516
مش علشان العربيه دى هى عربيتي والله
انا لما كنت هاشترى عربيه كنت بقارن حسب ميزانيتي بين
1- رينو لوجان
2- فير نا
3- لانوس
4 - سبيرانزا 516
وبعد مقارنه شديده واستطلاع اراء كل من يملك كل نوع من هذه السيارات
اكتشفت ان انجحهم الاسبرانزا بشرط ان تكون السياره انت فقط من يستعملها
واوعدك لو اشتريت السياره سبيرانزا 516 مش هاتلاقى ولا تحس ان راكب عربيه صيني وهاتحس انك راكب لانسر لمده طويله وكل ما العربيه عمرها بيطول فى السوق المصرى بتثبت الكلام ده ..
على فكره انا معايا موديل 2011 بس ماشي بيها 43 الف كيلو فى 9 شهور بس
وسافرت بيها من اسكندريه لاسوان والعكس والحمد لله
واللى عنده اى سؤال عن العربيه يتفضل
على فكره نفس الكلام ده على ال 113 مقارنه بالعربيات اللى فى سعرها هى انجح بمراحل ومستحيل تلاقى عربيه ب 50 الف فى المستوى ده
اما بالنسبه للعربيات الاسبرانزا تيجو و 620 انا شايف ان اللى معاه السعر ده يشترى نوع تانى غير الاسبرانزا لان البدايل فى المتوسط ده افضل من الصيني
|
انا معاك ف كل كلامك ماعدا السطر الاخرانى
مع كل الاحترام لرأيك