بعد صيانة الالف فى ابو رواش الله لا يسامحهم
السلام عليكم ورحمة الله وبركاته
روحت امبارح اعمل صيانة الالف فى ابو رواش وفعلا كان يوم صعب العربية دخلت الساعة 10تقريبا خرجت الساعة 2 تقريبا بعد الحاح ومشاجرة احيانا واستنكار احيانا اخرى
المهم فى البداية سالونى بتشتكى من ايه قولتلهم العربية الحمد لله زى الفل هو فيه بس حدفة يمين وخلاص المهم بعد ما استلمت وانا راجع لقيت فيها حاجات عايز استفسر عنها من حضراتكوا لانها منومتنيش طول الليل وباحاول ادخل على الموقع مش عارف تقريبا كان فيه صيانة وهى
1- وانا فى طريق العودة قلت اشغل التكييف حسيت بنتشة (زى ماتكون العربية بتفصل وبتشتغل فى جزء اقل من الثانية)
2- بطلت التكييف شوية وبعد شويه قولت اشغله تانى وانا تقريبا على سرعة 80 وكنت ممور او دايس دبرياش تقريبا لقيت العربية فصلت ركنت على جنب وشغلتها تانى اشتغلت عادى ومعملتهاش تانى بس موضوع النتشة موجود
3- بعد موصلت بلمس بايدى الجنط الامامى اليمين والشمال لقيتهم سخنين جدا متقدرش تلمسهم لمد ثانيتين اما الخلفى زى الفل يادوب دافى على فكرة انا ساكن فى التجمع الثالث يعنى المشوار بالتقريب كده حوالى 100كم وكنت سايق تقريبا على بين 100 و120 اوف بعض الاحيان بتوصل 130
المهم حد يفيدنى ايه اللى حصل ده واعمل فيه ايه واروح فين واجى منين
ارجوا سرعة الرد وشكرا جزيلا
|