المشاركة الأصلية كتبت بواسطة د0تامر محمد
*شكرا لكم اعزائى الكرام
*أود معرفة طلبكم القادم
الروايه الجديدة 00
هل تريدونها :
تشويق واثارة
ام اجتماعية
ام رومانسية
ام رعب؟
توجد عشر روايات جاهزة للعرض بأمر الله
ومن الممكن خوض تجربة أخرى مثل حكاية صديقى بمعنى ان ابدأ فى الكتابة والعرض مباشرة فور كتابه كل مشهد
*هل تريدون الرواية القادمة بنفس طريقة الروى الحوارى أم نص أدبى متكامل بطريقه السرد الادبى؟
*فى انتظار الاراء والمقترحات وشكرا
|
د.تامر أولا أنا بشكرك على الرواية الهايلة(حكاية صديقى والسيارة الملعونة)على فكرة أنا قريتها بمحض الصدفة
وانا شايفاك ان شاء الله مؤلف ناجح واعماله مشهورة سينيما وتيليفزيون ؛وعلى فكرة أنا قريتها فجر أمس
وكنت ناوية أتصفح كام موقع كده على النت ربع ساعة ولقيت عنوان الروايةفى نشرة الموقع على ايميلى
وقريت الرواية من بعد صلاة الفجر الى 7 صباحا وقريت اخر مشهدين انهاردة
وشدتنى جدا بس انتظرت بعد الانتهاء من القراءة علشان اضع تعليقى فعلا رواية هايلة بس بصراحة انا امبارح بعد قراءتها
نمت بعد اضاءة أنوار الشقة كلها بالرغم من النهار كان طلع هاهاها
أنا على فكرة بحب قراءة القصص بس القصة اللى تشدنى هى اللى أكملها لاخرها ورواية حضرتك شدتنى جدا
بجد ربنا يوفقك وبالنسبة للرواية الجاية أنا عن نفسى هاقول رأيى
أولا أنا نفسى تكون اجتماعية
ثانيا أنا رأيى تكون متكاملة لأنى جربت مع رواية السيارة الملعونة وقريتها مرة واحدة وكويس أوى ان
ده اللى حصل لان كان انتظار الاحداث هيبقى صعب أوى عشان كدة خليها مرة واحدة
وعقبال ما نباركلك على أول عرض تليفزيونى أو سينيمائى