[د.كمال]

اليومين الماضيين كنت فى نقاش مع ناس كتير عن مظاهرات ميدان التحرير والشباب المتظاهرين وفوجئت إن ناس كتير بتقول على الشباب المتظاهرين خاب أملنا فيهم .....واستغربت من تغير موقف الناس دى بعد مكانوا مؤيدين لهؤلاء الشباب وحاولت اعرف منهم السبب فى تغير موقفهم .......وكان ردهم
كان املنا انهم يتحدوا ويكونوا كيان او حزب ويكون لهم برنامج انتخابى ورؤيه لمستقبل هذا البلد وكنا هنقف معاهم ونساندهم ولكن فوجئنا انهم انقسموا الى 20 فرقه واختلفوا فيما بينهم وخاب املنا فيهم .
منهم من يقول دول بس شاطرين فى الكلام فى الاعلام والفضائيات ومختلفين مع كل الناس حتى عصام شرف ويحيى الجمل إللى كانوا معهم فى التحرير واختاروهم لتشكيل حكومه جديده مش عاجبنهم .
ومنهم من يقول يريدوا الانقلاب على شرعيه الاستفتاء وعلى القضاء وعلى وزير الداخليه وعلى المجلس العسكرى .
ومنهم من يقول كسفونا وخاب املنا فيهم والاخوان طلعوا أنشط منهم وعلى طول كونوا حزب وأنشأوا مبنى جديد لهم وهيدخلوا انتخابات مجلس الشعب ويمكن الرئاسه ودول لسه بيتفرجوا وعايزين يعملوا ثوره تانيه فى التحرير ...... .
بصراحه كلام الناس دى بدا أنه مقنع وهسيب الرد مفتوح للمناقشه