المشاركة الأصلية كتبت بواسطة AboNoRa
اهلا بيك يا باشا
اولاً بجد لو فيه موضوع من المواضيع اللى مالية المنتدى ومنقولة من نايل حضرتك تعرفها ابعتهالنا حتى لو مش بتاعتك وهمسحها فوراً
احنا من بداية انشاء المنتدى وبنحافظ على تميز محتوى المنتدى وعدم تكرارة
وقبل كده كان فيه عضو نقل عضويات بالعند من بعض مشرفين نايل وتم حذف جميع موضوعاتة وايقافة نهائياً
اما عن موضوع الشكاوى فاحنا عملنا شكاوى فعلاً وزى مانت شايف فوق النتيجة بعضها اتحذف وبعضها لسه موجود
لان الادارة هناك شايفة ان فيه ناس مهدر دمهم زى انا ومصراوى وبعض الاعضاء القدامى اللى اثرو المنتدى بموضوعاتهم ومازالو بيتتبعوا موضوعاتنا بالنقل واعادة التقديم بصور اخرى
السلوك ده للاسف فى نايل سلوك مشترك بين اعضاء بتحب الظهور وادعاء ما ليس لهم بالاضافة لسلوك الادارة فى طمس روابط المنتديات الاخرى بحجة المنافسة والزام الناس بكتابة منقول فقط بالكتيييييييير بدون الاشارة لمصدر النقل
حتى لو الكاتب مش سامح بالنقل بدون الاشارة للمصدر مفيش مشكلة عندهم
بس انا كنت عايز اسأل حضرتك سؤال انت بتقول عرفتنا من هناك ازاى ده وهو ممنوع وضع اى روابط لينا هناك ؟؟
|
للاسف لا املك رفاهية الوقت اني ادور على مواضيع هنا وهناك بس ده اللي شوفتة
اما عن كوني عرفتكم من هناك من خلال دعاية اليشع على الخاص اللي بعتها تقريبا لكل او معظم الاعشاء وكان باعتها بالعربي تقريبا وومش صعب البحث للي عايز وجيت عشان اشوف المكان اللي مليان ديموقراطية وحسسني اني هالاقي يوتوبيا لكنى لقيت منتدى مصري اخر بس اللزوجة فيه عالية شوية
يعني ايه لزوجة
يعني تملق والعياذ بالله وده اللي بيعملة معظم الافراد لمدير الموقع
يحيا الباشا الوزير المحافظ القائد العظيم المناضل المكافح المخترق المعرفش ايه
في كل مشاركات اليشع ده هاتلاقي الكلام ده
وفي نص مشاركات الاعضاء ليك عشان مدير الموقع اللي تحت اسمك هاتلاقي الكلام ده
وفي كلامهم مع المشرفين
في حكمة بتقول اينما وجد المدير وجد المنافق
وده بيتهيالي والله اعلم سبب حكمة مديرين نايل موتورز انهم يخفو المديرين وطقم المشرفين
واللي انا كعضو مايهمونيش في حاجة طالما بيحكمو قبضتهم على المكان بحزم واحترام
اما عن الدم المهدر معرفش التاريخ بالكامل بينكم ايه وكعضو مهتم بالعربيات مايهمنيش اعرفة بصراحة
اخيرا بالنسبة للسلوك المشترك بين اعضاء نايل موتورز
انت حكمت على سلوك 40 الف عضو من سلوك بعض الافراد
انت مش شايف ان ده فيه مبالغة وعمومية زيادة جدا
سلوك الكل يعبر عن سلوك الجزء
لكن سلوك الجزء لا يعبر ابدا عن سلوك الكل
ده اللي درسناه في المنطق